Lihle na Lwandle hi Xixikana
Sara Mohale
Busisiwe Ndlovu
Xitsonga
First paragraphs
Lihle na Lwandle va endzela nsimu ya Kokwani eVhembe.
-
I rendzo ra vona ro sungula.
-
Va pfuka va ri karhi va twa mipfumawulo yo karhi ehandle ka fasitere ra vona!
1
“Avuxeni, kokwana,” ku xeweta vamakwavo. “Xana i huwa ya yini?”
-
“Ahee! i nkuku, wa hi pfuxa ni mixo ku ri hi ta tirha,” ku hleka kokwana.
2
“Ka ha ri na xinyami ehandle, kambe i khale rixini. Hi Xixikana, dyambu ra hlwela ku xa naswona ri hatla ku pela ku tlula hi Ximun’wana,” ku vula kokwana.
3
Kokwana a ya emahlweni, “Hi Ximun’wana, maxelo ya hola. Kambe ya ha kufumela ku hundza Xixika.”
-
“A hi se lava swiambalo swa Xixika,” ku pfumela Lwandle.
4
“Hi Ximun’wana, u ta vona swimilani swotala swicinca muhlovo swi sungula ku oma. Hi va hi kari hi heta ku tshovela,” ku vula Kokwana.
5
“Eka nsimu leyi hi Xixikana, hi tshovela tinyawa, khavichi, kholifulawa, na xipinichi,” ku hlamusela kokwana.
-
A engeta, “Nimadyambu, hi ta dya matsavu lawa hi nga ya tshovela loko hi lalela.”
6
“Ematshan’weni yo tshamela ro xava matsavu, hi lava ku byala yan’wana ekaya edorobeni,” ku vula Lihle.
-
“I mianakanyo ya kahle! Ndzi ta ku dyondzisa,” ku tshembisa kokwana.
7
Lwandle a vutisa, “Kokwana, ma byala mihandzu? Ndzi rhandza kalavatla.”
-
Kokwana a hleka, “Ha ha ku heta ku tshovela makalavatla yo tala yo nyanganya!”
8
“Hi Xixikana, swifuwo leswi nga tswariwa kumbe ku tlhotlhorhiwa hi Ximun’wana, kutani ha swi xavisa.
-
Swifuwo swa hina swi hi nyika masi, matandza, na nyama,” ku vula kokwana.
9
“Hi dya matandza lawa ya ha ku tshikeriwaka loko hi fihlula, kutani hi tirha exirhapeni xa matsavu,” ku n’wayitela kokwana.
-
Lihle na Lwandle vatsakile ku tirha na kokwana exirhapeni.
10

——Swivutiso


  1. Hi Xixikana, xana ku cinca ku va njhani eka
    • swimilani?
    • maxelo?
    • ku pela ka dyambu ni maxelo ya rona?
    • swifuwo?
  2. Xana ku humelela yini ensin’wini ya kokwana hi nguva leyi?
  3. Xana Xixikana xa laha ka ntsheketo xa fana ni laha u tshamaka kona kumbe xa hambana? Hlamusela.
  4. Xana u nga byala njhani matsavu ekaya ra le dorobeni?
  5. Xana u ehleketa leswaku kokwana wa xisati u dya swakudya leswi nga ni rihanyo?
11
Attribution CC BY
Your attribution should include the following:
Title: Lihle na Lwandle hi Xixikana
Author/s: Sara Mohale
Translator/s: Hlongwani Hlongwani
Illustrator/s: Busisiwe Ndlovu
Assurer/s: Bongani Maluleke
Language: Xitsonga

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator