UNaka noNala bakhuluma ngomoya
Ndivhuho Mutsila
Simon Mokoena
isiNdebele
First sentences
UNaka noNala basemmangweni owomileko, bahlezi ngaphasi komuthi.
-
UNala uzwa itjhada lamakari emoyeni obetha kancani.
1
“Lalela Naka. Uyawezwa amakari?” kubuza uNala.
-
“Iye, ngiyawezwa amakari begodu ngiyawabona nalawo asikinyekako,” uNaka uyaphendula.
2
“Uyakhumbula bona yini eyenza amakari asikinyeke?” kubuza uNaka.
-
“Kulokha umoya uphephula izinto,” kuphendula uNala.
-
“Ngicabanga bona mumoya,” kutjho uNaka.
3
“Umoya usizombelezile, kodwana asiwuboni…” uNala uyathoma.
-
UNaka umngena emlonyeni, “Kodwana sikghona ukubona nokuzwa amakari asikinyekako!”
4
UNala uyaraga, “Angeze sawubona umoya, kodwana sikghona ukubona nokuzwa lokho okusikinywa mumoya. Lokho kubizwa bona mumoya okhambako.”
-
“Ingabe umoya okhambako mumoya?!” kubuza uNaka.
5
“Iye,” kumomotheka uNala.
-
Uyangezelela, “Umoya uba namathosana wamanzi asemafini. Lokha amanzi asemafini aba budisi khulu, amathosi wamanzi ayehla aba lizulu.”
6
“Akhe ucabange nje thina sikhuphukela emkayini ngebhaluni yomoya otjhisako. Ibhaluni ifana nethosi lamanzi, umoya uyayibamba,” kutjho uNala.
7
“Godu siphefumula umoya,” kukhumbula uNaka.
-
“Iye, zoke iinlwana neentjalo zitlhoga umoya bona ziphile,” kutjho uNala.
-
“Soke sitlhoga umoya ohlanzekileko,” kuvuma uNaka.
8
“Asikghoni ukubona umoya, kodwana wenziwe ngani?” kubuza uNaka.
-
“Umoya umvango weenrhasi namaqhatjhazi wethuli,” kuphendula uNala.
9
“Iphasi lembeswe mumoya,” kutjho uNala.
-
“Umoya usizombelezile. Umoya wephasini uphephetha kusuka lapha ukuyokufika emkhathini,” uvula imikhono yakhe.
10

——Imibuzo


  1. Indatjana le imayelana nobani?
  2. Bakuphi?
  3. Ngubani otlhoga umoya ukobana aphile?
  4. Umoya wenziwe ngani?
  5. Ukuphi umoya?
  6. Kubayini amathosi wezulu ehla?
  7. Uyini umoya okhambako?
  8. Thola indatjana emayelana nommoya okhambako.
  9. Uyini ‘umoya ohlanzekileko’?
11
Attribution CC BY
Your attribution should include the following:
Title: UNaka noNala bakhuluma ngomoya
Author/s: Ndivhuho Mutsila
Translator/s: Vusi Mahlangu
Illustrator/s: Simon Mokoena
Assurer/s: Sponono Mahlangu
Language: isiNdebele

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator