Kolong angorot, alomit ekile anyaritae Kiundu lore lobe Nyamani. Amina ng'esi akiring noi.

Apei kolongit abu ekatukon kipeyou ng'itung'a daang nakuuta alokookeng.

Abu nabo Kiundu kiira atamar ayei apeyo ache nadakar nabe Katumbi. "Woe! Ng'apeyosio ng'aarei apei kwaar!" Tatamak Kiundu.

"Alosi ayong napeyosio ng'una daang," tolimu Kiundu. "Esiauni eking'aren atolot Katumbi dio atobong Nyamani."

Abu Kiundu tonyou nataparachu elilim tolot Katumbi. Toriamu ng'esi ekiriam ering'a nyisiakina. "Abong'i ayong Nyamani dio atobong'u ekisidi," totiaku ng'esi.

Tobong'o Kiundu Nyamani etamit akidol akiring kekono. Anyamit ng'esi akoro. Na adolio ng'esi toriamu ng'ikiliok ka ng'aberu ering'a ipoote akiring.

"Aisikini tete ayong ng'ikepok esiate akipore," tatamak ng'esi. "Akono tokona ng'on akimuj," totiaku Kiundu akibong Katumbi.

Na anang'ia Kiundu lore loa Katumbi, toriam ng'itung'a kimuja kerumosi. Alemete ng'itung'a ng'alemet kotere ng'ikeutak. Amona Kiundu nabo amakari ibore nilemuna. Asaki ng'esi ekimuje bon.

Abu Kiundu tong'oo kotere akiron akimuj. Tobong'o ng'esi nadakar na Nyamani. Anyamit ng'esi akoro ka aburun.

Todol ng'esi Nyamani, toriamu ng'itung'a iding'ate toeos. Erikakinito kesi ekimuje.

Na eiraria ng'esi atamar adaun akimuj, kibusokin nabo kirakar. Abu ng'esi Toron akiring. Auji bon abu ng'esi toriamu.

Torotoki ng'esi wadio nawi keng eng'oit nabo tanyamite akoro.