Arai na adakar. Arai awi kang. Eyei awi kang nakaunti na alo Turkan.

Arai lo ekaal. Eyakatar ngiturkana ngibaren lo kaalak. Kaneni igenosi keci noi ngikala.

Arai lu ngiketatamak kang. Enyaritae eskul kang Lolupe. Amina ayong eketataman kang loakichor akwap ka ngiboro lugelagelae.

Arai naga atubwa naapolon. Iwokenere ngitunga ka ngiboro anakipi. Kalot ayong Mombasa, apedori aanyungar atubwa napolon.

Arai lo ekitanda. Amina ayong ekitanda lokolong ka subakini ayong apakang. Kiperene ayong ka lokatokang loci. Ejok ekitanda ngolo noi kotere akiper.

Arai lo ekokoroit. Kiyakar sua ngikokoroi ngiarei nawi. Kiyakar nabo sua ngikukui lukalak. Euriyenete nabo ngikukui ngulu ngabeyei nakaalak.

Arai lo lorunye. Arai ta lorunye ngitieng lu aronok. Enyameenete keci akimuj ka achilichil nguorui. Epedorete kesi nabo akiteriemun edeke.

Arai lo ingok. Itaneno ngingokuo anadakarin. Enyaritae Ingok ka Daa. Ikomono ngesi noi.

Arai na amwaful. Eyakatar ngikauriak ka napolon. Eyakar ngirangi luarengak, lopuskirion, lonyangarengan ta lokaliban. Naetepia, kimukonokin sua nyikitepea akiru.

Ayeni ayong ngakiro nakalak tarai ayei ayong nakilas na angarei. Asaki nabo ayong akiyen nakalak lokojokon.

Engisene ayong ngiketatamak kang ta ngikauriak ngakiro napenyayeni ayong.