A siku gu kari a ci gwaja ci kumili a halavumba. Ci ti ngalu ka yona, "awunge tsutsumi! Lezvi u zvi tivaku ku ndzundza laha ka misava."

A halavumba yi ti ngalu, "nghoni hi sotu u ta zvi vona."

A halavumba yi longiselili a khumi ga magidi wa ma phepha yi gama yi tsala a mi tsalu ka wona, kanilezvi a mahunga a mahi manwe.

A halavumba yi nyikelili a ma phepha ka va ngana va yona yi gama yiku ngalu "loku a ci gwaja ci ta laha ci ndzi vitana, a munwi wa nwina kulava aku ngalu: hi mina halavumba."

Hiku maha loku, a halavumba yi bvelili a va ngana va yona akuva va fihlala lomu khwatini ku tanga hundza a zvi gwaja ni ti halavumba.

Hi sotu a ci gwaja ci txikeli ci kuma a halavumba. Ci ku ngalu ka yona, "ahi palisani hiku tsutsuma. Kanilezvi mina ndzi taku pala."

Hiku maha loku a halavumba yi fihlalili lomu khwatini yi tsika a ci gwaja ci tsutsuma coci. A ndzeni ka ma palisana ya ku tsutsuma, a ci gwaja a ci kari ci vitana, "halavumba, halavumboooo!"

A yi nwani ni yi nwani halavumba yi nga kari yi fihleli lomu khwatini yi hlamulili yiku ngalu, "hi mina halavumba, hi mina halavumba!"

Hi ku gamisa, a ci gwaja ci wa kari ci kareli, ci lo tsama a hasi, ci ku ngalu, "halavumba ndzi kareli ngovu; u ndzi palili!"

Hi ku maha loko, a halavumba yi kumekili yi pala hiku thlariha ka yona.