Ndrí 'ɨ, Òcó 'ɨ Àzɨ́nɨ Tí 'ɨ
Fabian Wakholi
Marleen Visser
Lugbarati (Official)

Ndrí 'ɨ, Òcó 'ɨ àzɨ́nɨ Tí pɨ yɨ ndráa ágyí àzɨ́ àmbó nɨ. O'dú àlʉ yɨ mu àcìá tákísɨ̀sɨ̀.

1

Ká mu cá pàrí yɨní muzʉ́ rɨ̀á 'boó, dèrévà zí dɨ́ yɨ 'ɨ́mà séndè òfèzʉ́.

2

Òcó fè séndè àmbó nɨ 'ɨ́ séndè nyɨ́rɨ́ nɨ́ ovʉzʉ́ èrɨ vʉ́ 'yo rɨ̀sɨ̀.

3

Dèrévà nɨ́ lèrɨá òcó drí èrɨ mà séndè jólókó ògòrɨá, cotí ndrí ce 'ɨ óngúá apázʉ́ séndè òfè kókòrʉ́.

4

Àwókó nya dɨ́ dèrévà mà alé sǎàrʉ́ ànɨ́ ko drì nzʉ́ mʉ̀tʉ̀kárɨ̀ be òcó mà séndè mà jólókó omvɨ kókòrʉ́.

5

E'yó 'dɨ̀sɨ̀, kpere àndrʉ̀ òcó nɨ̀ nzʉ mʉ̀tʉ̀kárɨ̀ vʉ́álêrʉ́ lèzʉ́ ti sʉzʉ́ mʉ̀tʉ̀kárɨ̀ mà alé àlùzʉ́ dèrévà ándráa múpɨ 'ɨ́mà séndè be rɨ̀ ndàzʉ́.

6

Ndrí nɨ apá mʉ̀tʉ̀kárɨ̀ cɨ́ rɨ̀ mà ó'dúkó sɨ̀ apáapá. Èrɨ 'ye òrìsɨ̀ à'dɨsɨ̀kʉnɨ egá kɨ́nɨ̀ 'bà nga 'ɨ bɨ̀ mʉ̀tʉ̀kárɨ̀ mà àjè 'ɨ́ nɨ́ ndráa awɨ́ òfě kʉ rɨ̀ sɨ̀ rá.

7

Tí asɨ́ ɨ́nɨ̌ 'ɨ́mà kʉ mʉ̀tʉ̀kárɨ̀ ngòlé nɨ kà tró emú nɨ̀ tɨ́. Èrɨ 'ɨ́mà sâ 'du nzɨ̀lá mà drɨ̀ agazʉ́ à'dʉsɨ̀kʉnɨ nɨ̀rá kɨ́nɨ̀ 'ɨ́ òfè ndráa 'ɨ́ vɨ́lé mʉ̀tʉ̀kárɨ̀ ma àjè wóró rá.

8
You are free to download, copy, translate or adapt this story and use the illustrations as long as you attribute in the following way:
Ndrí 'ɨ, Òcó 'ɨ Àzɨ́nɨ Tí 'ɨ
Author - Fabian Wakholi
Translation - Doris Maandebo
Illustration - Marleen Visser
Language - Lugbarati (Official)
Level - First sentences
© African Storybook Initiative 2014
Creative Commons: Attribution 4.0
Source www.africanstorybook.org
Original source