Aka ci khati leciya ca kali, ka kama wa ndlala, a yingwe yaku tala hi wuthlari, yi ti mahisili aku kwatsi yo b'abza, yi tsandza niku huma a handle.

A zvi hari zo tala zi yili a kaya ka yona kasi akuya vuxela. Kanilezvi, ni cinwe a ci hari ci nga zvikota aku huma handle.

Loku gi cili ni mumu waku saseka ngovu, a ci gwaja ci tili. Ci pimisili aku vuxela a yingwe conawu.

Ku tsongwani a ci gwaja a ci lava aku ngena lomu ndlwini ka yingwe, kanilezvi, hi ci hathlanyana, a ci gwaja ci nyimili ci wona aku akuhi ni mikondzo ya zvi hari zo tala zi nga ngena zi nga humi.

Hiku maha loku, a ci gwaja ci nyimili hi le handle ci ku, "Xewi. U muneni kani mungana? Wa cukwata ke?"

"Unga cavi mungana. Ngena u ndzi pangalata."

"A ndzi na kama zezi, kambe wena u nani va vuxeli vaku tala." "Ayeyi, ayeyi, akuna munhu lomu. Ahi zineni aku ndzi tsama lomu ndzoci na ndzi kari ndzi b'abza."

"Wa hemba. Ndzi wona a mikondzo ya zvi hari zi nga ngena kanilezvi a yaku huma andzi yi woni."

A yingwe yino miyela, a ci gwaja ciku ngalu, "Salani mungana, ndzi taku vuxela a siku gi nwani."

A ci gwaja ci tsutsumili ka wundawu ligiya!