Kolong ang'orot anadakar Elunyiko, eboyete ekile lo anyaritae Ndong'a ka aberu keng na anyaritae Namukhaywa. Ayakatar kesi ng'ide ng'ikankapei. Arai nabo kesi daang ng'apesur.

Na apotio Namukhaywa ikoku keng ni a ng'ikankarei, abu Ndong'a tolimok ng'esi tama," Kidou iyong nabo ikoku nipese, kedonyori ayong iyong. Na kaneni kidou iyong idia nisapat, Asubakini ayong ng'akinumnumet naapolok kotere iyong!"

Na kaneni na adolio ng'esi akidoun, abu Namukhaywa tosaka aberu nisodon ng'aberu. Epedori ikoku aliwor isapat kori epese a?

Abu ng'esi kimu apese ka esapat! Abu tonyara esapat Mukhwana nabo tonyara apese Mulongo. Na akienyikinia ng'esi Mukhwana, abu ng'esi tolakar. Na kaneni na eng'olikinia Mulongo, abu ng'esi kiyalolong noi. Abu ng'esi kitam atamar apedori asubakin ibore ipei.

Abu ng'esi kimiekinia aberu nikisodon ng'aberu Mulongo nabo todaka Mukhwana nawi nia alokiliekeng.

Abu ng'esi alakara kidodik Ndong'a idia nisapat ng'ini. Abu ng'esi tolakar noi sodi tonyara ng'itung'a daang adakar atamar kinumnuma akidoun a idia anisapat kang'ini alakara.

Abu Mukhwana topolo toliwor ekile loteleng. Abu nabo Mulongo dae topolo toliwor apese nateleng.

Aparan apei aniti iyoki ng'atuk ka apakeng, abu Mukhwana king'olik apese nakebusean. "Apese asaki ayong akiutar na," Abu ng'esi tolim bon.

Na kaneni na alimokinia ng'esi apese ng'ina atamar kiutaros abu apese toeok eos lo: Mukhwana kosi, Mukhwana Kechikit ayong, Mukhwana Atamar kauriu apese, Mukhwana Echakere ataaba, Mukhwana Atamar kauriu esapat, Mukhwana Eyaunio ng'esi nawi ne, Mukhwana Nabo eng'olio aite, Mukhwana Ka nabo ache, Mukhwana.

Apotu ng'una tosubakinos ng'irwa lukaalak. Apotu Mukhwana tong'opikis na apedori asubakin. "Anyu ayong apese nakebusean," tolim ng'esi. "Nabo asaki ayong akiutar ng'esi. Na kaneni naca alimokinia ayong ng'esi ng'akiro nu, toeok eos lopei ng'olo jiik."

Abu Namukhaywa kitubul ng'esi na atamaria, "Iteni ng'akiro na eo apese ng'ina.  Arai ng'ina nakatokon. Kimuunio kolong esi. Asaki apokon esapat, mere apese. Na kaneni abu ayong esidong nakatokon eroko edit nawi aberu anakesidounon ng'aberu, nabo kayau iyong nawi nikapokon."

Na alimokinia Mukhwana apakeng ng'una, abu ng'esi taanyu atamar ecwang'akinit kolong ng'esi ng'una. Abu tonyara Namukhaywa sodi tolot daang nawi aberu anakesidounon arikun Mulongo.

Nape anang'unia Mulongo nawi, abu apakeng tonyara ng'itung'a daang adakar, tong'ol akine nabo tosubak ng'italio ng'ulu imorikinotor Mulongo ka ng'ikaitotoi keng lukanikarei.

Adaunet a ekaru epei, abu lokokeng a ekabaran alokarwon adakar kang'ina. Abu ng'esi yau ebari ka alakara nawi kec.