Ehiseera ehyahale ehireeῃi mu hitehere hy'eNakwasi, yaaliyo omusinde nalangibwa Dongo, omuhasi wuwe nalangibwa Namwima. Baali n'abaana mukaaga. Boosi baali bahaana.

Namwima nigaali hida ehyomwana wuwe owomusanvu, Dongo gamulabula ati, singa osaala omwana muhaana obundi ndi hwita ewe. Aye singa buupa omwana museere ndi huholera embaga.

Ehiseera ehy'ohusaala nihyola Namwima gatiina ew'omusaalisa ow'ehyalo. Omwana wa huba muhaana naῃo museere?

Gaali museere n'omuhaana abalongo. Galanga omuseere Muhwana nga ara omuhana gamulanga Mulongo. Nigaheja hu Muhwana gaali musangaafu. Aye olugaheja hu mulongo gaῃulira enaku. Gaῃulira ati ῃaaliῃo ehiitu hirala hyoῃene ehyaῃanga ohuhola.

Namwima galeha mulongo mungalo j'omusaalisa nga aῃira Muhwana engo eyaali wamwe.

Galanga Dongo omwana museere namanyonyo. Gaali musangafu era galanga abehitehere ohusaῃalya ohusalibwa hw'omusaani.

Muhwana gahula gaaba omwosuho omulaῃi. Ni Mulongo gahula gaaba omujono omulaῃi.

Lulala, nigeemera eῃombe jasemwana, Muhwana gabona omuhaana omwene omuῃoono. Nga mula aloma ati, "Ono nj'omuhaana eyinenda ohuhwa.''."

Aye nigamulomba ohumuhwa, Gemba olwembo luno, "Muhwana weefe, Muhwana Hatonda gagobosa omunwa, Muhwana Basaala omuhaana, Muhwana Baῃwa hulubanga, Muhwana Nga basaala omuseere, Muhwana Baleeta mu mago muno, Muhwana Efula yagwa, Muhwana. Nindi yaagwa, Muhwana."

Hino hyaliῃo nindi hyabaῃo. Muhwana sigamanya hyahuhola Nga aῃo atiina eri nyina,  Namwima.   Nga aloma, "Naageene omuhaana omuῃoono. Era nenda ohumuhwa" Aye hiisi olumulomba, gemba olwembo nj'olwene.

Ehyamweῃunyisa! Namwima nj'ohuloma ati,   "omuhaana ebigambo bituufu.   Oyo aba mboojo yo Mwasaalibwa balongo. Lataawo gendire mwaana museere Aye si wahihaana. Ko ohuleha omwana owehihaana n'omusaalisa era nahuῃira engo eyaali latawo."

Muhwana nigaῃayiraho semwana oluῃayo, gabona ati gaali mucaamu. Galanga Namwima era ῃalala nga batiina ewomusaalisa ohwiruhirayo Mulongo.

Mulongo nigoola engo semwana n'abahulu hu hyalo basala embusi era bahola omukolo ogwe hinansi ohuŋimba Mulongo n'abalebe babe omusanvu.

Olufanyuma lw'omwaha Mulongo gafumbirwa omu saani wa habaha owe'hitehere ehyo omuῃinda. Galeeta obuῃinda n'amasangaalo mu hidaala hy'ewawe.