Wambusi, Wambwa, ni Waŋombe baali bameeri. Oludaalo lulala batiina hu lugendo mu takisi.
Ni boola hu njagamo y'olugendo lwawe, dereefa gabasunga ohusasula ebbeesa ej'olugendo lwawe. Waŋombe gasasula ebbesa jije.
Wambwa gasasula ejibitamo ŋadidiri olw'ohutaba n'ebbeesa eswanire erala.
Dereefa aba kogenda huŋa Wambwa bbalansi wuwe. Wambusi nga aduluma aŋawula husasula hiitu hyosi.
Dereefa galuŋa bugali. Gafuga gatiina nataŋaaye Wambwa bbalansi wuwe.
Ehyo cehigima na hatyane Wambwa adulumiriranga ena motoka. Aba alengeesa mugati ohufaania Derefa owamulyaha bbalansi wuwe.
Hisi Wambusi olwaŋulira ohululuma hwe motoka, gedulumira. Aba atya ohumuŋamba.
Ne Waŋombe safayo emotoka niyiija. Gehumbira n'asala oluguudo. Amanyire ati gasasula ebbeesa j'olugendo bbechwi!