Akai nigaali nahiri mujoɳu, nyina gateranga ohumuɳenyusa hu mukeeka omuɳoono. Masenge ya Akai galuha omukeeka ogwenjabulo guno ohunɳwa musaasa.

Omukeeka nago gwaali mu malangi aga pinka, bbululu ni kiragala agaduhirira. Gwali gwawuhana hu mikeeka ejindi eji nyina ya Akai gaali najo mu hitiira.

Eroba ohwetoloola ehidaala hya Akai lyaali lya lubanga. Mwaalimo amasikopyoni, namumbirya ko ne'teemu josi. Aye Akai sigalihoho muhigosi ehyohulumiwa n'ebiitu ebyahabi byosi.

Nyina galoma ati '' Omukeeka gw'Akai ogw' enjawulo gumutangira eri ehigosi hyosi.

Akai gaali mwaana mwogi. Gegire eri esobere eyohupi.

Geega eyihitiira hya nguhwa we hyaali nihiri. Gateranga ohujaho ohunyumirwa amabeere ganasugirya naali ɳalala ninguhwawe.

Oludaalo Lulala, Akai sigaali nyo n'ekabi. Gasimbuha ohutiina muhitiira hya nguhwawe eyatoola. Gagotera mu soozi. Akai gatya.

Gehaaye mu mudodo galinda obuyeedi. Sigalwaɳo nga ero limwibq era gaaloota.

Ehirooto hyatina hiiti; Gaali agandaye hu mukeeka gugwe ogwo ogwe'njawulo. Omuhasi agafana hyanguhwawe gaali aɳo namuhumire. Omuhyaala oyo gamwemwejera era gamuɳa ehisanda hy'amabeere ga nasugirya ehibba. Akai kwaba ajanuula omuhono amuɳe amabeere, ng'asisimuha.

Akai gahiwihula pola pola. Ni gagangamusa emoni, gabona ahayuni aha bbululu nihetengereeye hu lusaga ɳamugulu wuwe.

Akai nigenyoha, ahayuni aha bbululu hahuubba amabaɳa gaaho nga olwo hatangiririra. Akai Gahaloonda.

Akai goola aɳ'engira jabuhanira. Enyuni nago eya bbululu yalagasa ahatundu h'omukeeka ahafananira erala. N'omukeeka gwa Akai.

Nigangala ahatundu h'omukeeka, Akai gawona amagulu agagafania nigali'ganyina. ɳawene aɳo gawona esobeere eyibajangamo amaaji.

Ab'amago ga Akai bembire era bahiina ni bamwanirisa engo. Basala embusi, bayohya enyama ni basaɳalya olw'omwaana waawe ohugaluha mulamu.

Akai gehaaye hu mukeeka gugwe ogw'enjawulo koga ɳomerwa ogunohi gwe'enyama enjohye.