Edda ennyo mu kyalo kye Nkuuka, waliyo omusajja eyayitibwa nga Kajoba ne mukyala we Namukwaya. Baalina abaana mukaaga bonna nga bawala.

Namukwaya bwe yali olubuto lw'omwana owomusanvu, Kajoba namulabula nti "Nekakutanda n'ozaala omuwala omulala, nnja kukutta, naye bw'ononzalira omulenzi, nnja kukukolera ekijjulo ekinene."

Ekiseera ky'okuzaala bwe kyatuuka, Namukwaya nagenda ew'omuzaalisa ow'ekinnansi. Namubuza oba omwana anaba mulenzi oba muwala?

Yali mulenzi n'omuwala nga balongo. Omulenzi n'amutuuma Kadiidi omuwala n'amutuuma Nambi. Bweyatunulira ku Kadiidi nga asanyuka naye bweyatunula nga ku Nambi ng'awulira ennaku. Era nasalawo nti; waliwo ekintu kimu kyeyalina okukola.

Awo Namukwaya naleka Nambi n'omuzaalisa, n'atwala Kadiidi yekka ew'omwami we.

Nalaga Kajoba omwana omulenzi n'essanyu. Kajoba nassanyuka nnyo era nayita ab'ekyalo bona okumujagulizako amazaalibwa g'amutabani we Kadiidi.

Kadiidi yakula nga musajja mulungi ate ne Nambi n'akula ngamuwala mulungi nnyo eyo gyeyali.

Lwaali lumu Kadiidi bweyali nga alunda ente z'akitaawe, nalaba omuwala omulungi, era n'agamba nti y'ono omuwala gwenjagala okuwasa.

Naye bwe yamusaba okumuwasa, omuwala namuyimbira oluyimba luno; "Eeh Kadiidi ng'olimba Kadiidi Batuzaala babiri nga balongo Kadiidi Maama nandeka ewomuzalisa Kadiidi Era nze ndi muganda wo Kadiidi."

Kino kyatukangawo bulikaseera naye Kadiidi teyamanya kyakukola. Olwali olwo, nagenda ewa Maama we; Namukwaya. Namugamba nti nafunye omuwala omulungi, Era ngyagala kumuwassa, naye buuli kiseela bwe mubuuza, ayimba oluyimba lwe lumu.

Eky'amwewunyisa Maama we Namukwaya ya mudamu bwati; Oyo omuwala kyayimba kye kitufu. Oyo muganda wo. Mwazaalibwa balongo. Taata wo yali ayagala mwana wabulenzi so siwa buwala. Era ne ndekera omuzalisa omwana omuwala, gwe ne nkuleeta ewaka ewakitaawo.

Kadiidi bwe yagamba Taata w'emboozi eyo, Kajoba n'akizuula nti yali mukyamu, era nayita Namukwaya nebagenda ew'omuzaalisa okunona Nambi.

Nambi bwe yattuka ewaka, Taata we nayita abaakulu b'ekyaalo ne batta embuzi, era ne bakola omukolo gw'obuwangwa okugatta Nambi ne baganda be omusanvu.

Ngawayisewo omwaka gunu, Nambi yafumbirwa mutabani wa nagagga w'okukyalo ekyo. Era Nambi n'aleetera kitaawe nebaganda be esanyu n'obugaga buungi.