Akai olwa yali nashiri omukhana omutiti, mama waye yamukoninjia khwi liyambo. Senje waye yakasia liyambo lilobole lino khurula khu omunasi.

Liyambo lilitsingi lie tsirangi tsinyinji tsindayi. Liali liaukhana nende amayambo ka nyinamwana Akai yali ninako munzu.

Eshialo shiali eshiumu, shiayia nende amachina ketsula. Amakhala kali amanji, tsimbubi nende tsinzukha tsiosi.  Alali Akai shiyalikho mumaraba kokhulumwa nende efilonje efibi fino tawe.

Mama waye yaboola, "Liyambo lia Akai lilobole limuoninjia okhurula khumaraba."

Akai yali omwana omuchesi. Yeka womwalo kwaambi kwolusuba kwali.

Yamanya we inzu ya kukhu waye yali. Yatsitsanga okhusangalira amabeere ke ingamia nende kukhu waye.

Inyanga ndala, Akai shiyali nende ikhabi tawe. Yarula okhutsia nanzu wa kukhu waye alali shiyanyalirwa okhula tawe. Yakorera mufikulu. Yali nende oburii.

Yekhala hasi wo musala kweshinikha nalinda obukhonyi. Tsindolo tsiamutira niyanza okhuloora.

Amaloro kali: Yali nakonire hasi khwiyambo liaye. Omukhasi wafwanana nende kukhu waye yamumwenyera. Yamweresia ibakuli ya mabeere ke ingamia. Olwa yali naira omukhono okhubukula amabeere, yabukha.

Akai yatimbula tsimoni kaala. Olwa yalenga akulu, yalola eshiyalayal shiemere khwisaka akulu waye.

Olwa Akai yema, eshiyala shiapurupusia tsimbaa tsiayo ne shiimisia Akai khunjira. Yalonda eshiyala.

Akai yola abundu we tsinjira tsiakabukhana. Eshiyalayala shiialakasia eshitonye shia liyambo, shifwanana nende shia Akai.

Okhutola liyambo, Akai yalola amakulu kafwanana nende kanyinamwana. Yamala alole omwalo kwolusuba kwa batayangamo amatsi.

Oluyia lwabo Akai lwemba nende okhushina okhumwinjisia mungo. Bera imbusi, basamba inyama ne nibekhooyera omwana wabu okhucherera.

Akai yekhala khwiyambo liaye nalia eshipande shikali shia inyama inofu isambe.