Kgale, kgale go be go na le monna yoo a be go a a le dilo dintši, a humile le dinala, polase ya gagwe e le ye kgolo e bi le e nonne e na le dikgomo, dinku le dipudi. Ge a tšofala, o ile a thoma go nyama ka ge a be hloka selo se se tee fela. O be a se na mosadi.

Ka letšatši lelengwe ge a be a eme ka fase ga mohlare, o ile a tlelwa ke kgopolo e botse. Ge ele go re ga a kgone go ba le mosadi, a ka upša a itirela yena.

A thoma go bereka a betla mosadi a šomiša kutu ya mohlare. Ge a feditše go betla sehlwaseeme sa mosadi se se botse, a se kgoma mahlo gomme a phela.

Ka nnete e be e le mosadi yo mobotse yoo a sa ka go a mmona. O ile a ya fase ka matolo, gomme a mo kgopela go re e be mosadi wa gagwe.

O ile a mo fa rokwana ya mebalala, dipheta le kgare ya mo hlogong yeo e le go sešupo sa go re ke mosadi yo a nnyetšwego. O ile a mo agela ngwako ka mobu le bjang tšeo di be di le go kgaufsi le kutu ya gagwe. 'Ke go kgopela selo se setee fela," a realo go mosadi wa gagwe." O se botše motho go re o tšwa kae.

Go se go nye kae, masogana a dulago kgaufsi mo motsaneng, ba i e ba thoma go belaela, ba re go tla bjang monna wa go tsfala ka tsela ye a be le mosadi yo mo botse ga kakaa na. Ba ile ba tša tsea sephetho sa go utswa mosadi yo, ba ye le yena motsaneng wa gabo.

Mokgalabje o ile a kwa bohloko. A ikwa go re a ka se kgone go phela ntle le yena. Gomme a nagana," Mogongwe ge nka ba le selo sa gagwe nka se nyame. Gomme a romela maeba a gagwe go re a yo mo nyaka. A mo opelele gomme a mo tlele le ge e ka eng ya gagwe."

E rile ge ba mo hwetša ba mo opelela ka mantšwana a mabose a dinonyana: Mosadi wa mohlare, mosadi wa mohlare O mobotse go phala bohle Monna wa gagho o re romile Go re boe le rokwana ya gago!

O ile a ba fa roko ya gagwe, ba fofa godimo ga meboto, godimo ga dinoka, ba boela morago go monna wa gagwe. O ile a bea roko mo sefahlogong sa gagwe gomme a homotšega ka go nnyane.

Fela tlhologelo ya gagwe ga se ya tloga. Ka moo a roma maeba a gagwe gape go re a ye go mo opelela. Mosadi wa mohlare, mosadi wa mohlare Yo mobotse go phala bohle Re romilwe ke monna wa gago O re, re mo tlele le kgare ya gago.

O ile a swara kgare, gomme a fegelelwa mosadi wa gagwe yo a le go kgole ka ga re ga lešaka la baditšhaba Ka morago ga lebakanyana, a bitša maeba a gagwe gape. Sepelang le ye go yena gomme le mo opelele Mosadi wa mohlare, mosadi wa mohlare Yo mo botse go phala go bohle Monna wa gago o re romile Go re re buše Bophelo bja gago!

Ka moo ba boela morago lekga la boraro. Ba ile tsorama mo godimo ga magetla a gagwe. Ge ba fela ba opela nonyana ye nngwe le ye nngwe e be kgonyolla leihlo. Ka ponyo ya leihlo a fetogela go sehlwaseeme gape. Matsogo le maoto a gagwe a wa. Gwa latela le hlogo. Gomme a wela fase.

Ka go iketla, monna wa gagwe o ile a phšikološetša kutu ya gagwe kua nokeng. O ile a mo emiša ka medu ya gagwe ka metsing. Ka ge nontšhitšwe ke mobu le letšatši, o ile a mela matlakala gape.

Ge moya o tšutla, matlakal a ile a ba le khemo ya kimologo. Bjalo ka mosadi ge a hlogogetšwe monna wa gagwe.