Arai Tasnim apese nakebusean. Ajok atakeng noi.

Abu atakeng tolema ng'asain nakaalak edonyi eworu a Tasnim.  Amina Tasnim anapit eworu ng'olo.

Apotu ng'apesur nache king'olikineta ng'esi etereku. Tasaka erot lo ekokoyareta eworu ng'olo. Abalasi kechi kori etich lopalag. Nakaneni egogong akoko eworu enapit itwaan.

Ataparachu apei, kipeyout ng'apesur nache Tasnim akilulumare ana ng'olol. Apotu kechi tobutokis ng'iworui lokwaas ang'olol dio ninyasunotor. Toporokis nakipi kipakanasi ng'akipi lowaitin mono.

Torumosi kechi akilulumare. Dio akarikon ang'apesur ana etereku tachakaki eworu a Tasnim nang'olol diyete ni ayei emun lo apolon noi.  Sodi torotokis toisikis Tasnim igoro alo kwaas ang'olol.

Kiira emun itwaan igoro. Toliau nikalapatan king'olik Tasnim. Kiliko eworu ka Tasnim a-apei.

Ajokis keng, nyejoikina emun abobou eworu kang'olo. Toleka ka Tasnim aapei. Toper Tasnim alokwaas ang'olol imukit akajalat na akook e emun.  Abos akajalat ng'ina lokojokon.

Tobutokin Tasnim eworu keng lokabosan. Tamatar nawi ang'ikauriak keng eeo.

Itoye-e, tang'akinae ekidor, abos ayong Itoye-e, tang'akinae ekidor, abos ayong Abos ayong lokojokon. Kiira itokeng eos a-Tasnim topud king'a a-akai. Kiropa itokeng eos anakookeng. Kape wache, ibos iyong, Kape wache, ibos iyong, Kape wache ibos iyong noi.

Takadakin Tasnim dio tamatar nawi ka eyakeng ka naka- amaekeng.  Kiirasi kechi ng'esi eeo.

Tang'akinae ekidor, abos ayong, tang'akinae  ekidor, abos ayong, Abos ayong noi. Tamataros kechi king'a akai, dio toeokis: Kape wache, ibos iyong, Kape wache ibos iyong, Kape wache, ibos iyong noi.

Kidong Tasnim alosit nawi ka atakeng bon.  Kitam ng'esi atamar emam itwaan epedori akiting ikoku ni-abosan.

Nakaneni aliokonit ng'esi. Nyiritara ng'esi atakeng. Abu kilota Tasnim, ka eworu keng tokukunyoketa.

Kiboyoto Tasnim ka atakeng ng'ikaru lukaalak. Apei kwaar abu lokokeng e-ekatukon alokabaran tolotou ng'esi.

Apotu ng'ikauriak a-Tasnim kiirasi eloto ng'olo. Dio tasaka kechi Tasnim tobong'u nawi.

Kitamu Tasnim epitene lokolong abos ng'esi. Tolimok kechi atamar nyabong'ori nabo nawi kech."Echami ng'ikauriak eminasi ng'ikechde. Tani kebosak noi." Tolimu ng'es.

Tong'er Tasnim ng'akiro ang'ikauriak keng kipeyou atakeng kiboyoto anawi e-ekatukon alokabaran ka lokookeng.

Talakar atakeng noi, kiboii niajokon, tominakinae.