Kolong edit Akai, eteperonokini itokeng ng'esi nakapet. Asubakinit eyakeng akapet ng'ina ang'ang'olia.

Ayakari akapet ng'ina ng'ajul nakipura, napusiyek ka naalibak. Pe ekwaan ka ng'akapi nache na aya kai aitokeng.

Aonit ere kech, arirae nabo eleleba ng'amoru. Alalak ngitonia, ng'asimokoka ka ng'imunio. Nakaneni, pe aemit Akai ng'itieng ng'ulu.

Tama itokeng, "Igagarit akapet ng'ina Akai nyewana."

Arai Akai ikoku nikooson. Abu ng'esi toyen ni ayei akare nakaapen.

Toyen ng'esi ni alomit ataakeng. Dopetei, aloseene akimat ng'akile ang'akaala anawi ka ataakeng.

Apei kwaari, tooliyo Akai elosi nawi ka ataakeng. Towoliyo alomoru. Tobul Akai.

Kiboikin kwap edome idarit aking'arakino. Napei kona, tojotoor kirujaki.

Kirujaki kona: Aperi ngesi anakapet. Ayei aberu na ekwaan ka ataakeng, etee ng'esi. Abu aberu ng'ina tamaisian dio naki ng'esi atubwa ang'akile a-akaal. Na-asakia Akai akidiauni ng'akile, Toriangu!

Tobeku Akai ng'akonyen keng wadio. King'olia kidiama, king'olik ikeny nipus anateni e-edome.

Na anyounio Akai, kipuk'pukok ikeny ng'abeben toriko Akai. Kiwapak Akai ikeny.

Abu Akai todol nakichara a erot. Dio ikeny tochaku akapet na ekwaan ka na Akai.

Na alemunia Akai akapet, abu king'olik ng'akichaket aitokeng. King'olik akare na aokeenete kechi.

Apotu ng'ikauriak a-Akai toeokis, kidong'ata kipeyout ng'esi nawi. Tong'ola akine, topeo akiring elakara abong'un aikoku kech.

Kiboikin Akai nakapet keng nabekot enyami akiring napeot.