Nindakhoola emiaka chirano, papa yamba eshianwa shichamisia muno. Shiali akhabwa akhatoro khamachuma kataru. Inyanga ya papa umutiti yakharera nango, ndasangala muno. Ndamanya mbu enyolile omwitsa.

Papa oyo lwayakhara hasi yandeba mbu, "Otsia okhukhaya lira shi?" Ndakhalinga ne nemboola mbu, "Kulukulu." Papa oyo niyesundukha nareeba, "Eshichira nokhalanga Kulukulu nishi?" Ndamuboolela mbu, "Okhubeera khafwana akhayiimi."

Ndareeba papa oyo nikaba mbu Kulukulu khebulwa khonyene. Papa oyo naboola mbu akhabwa khandi khosi akhatoro, khandi akhafwanana nende Kulukulu khaliyo. Ndatsia okhulolakho, akhasiani khabu Kulukulu.

Olwa Kulukulu khalolakho akhasiani khabu, khasangala muno.   Rwosi rwara emirwe chiabu alala ngorulomaloma.

Ndareeba papa oyo nikaba mbu enyala okhufuchililwa okhuruka rwosi- Kulukulu nende akhasiani khabu. "Nobulayi," nakalusia. "Ne okhuula orulinde obulayi." Kho buli ingolobe, ndaruiranga okhukhola ninarwo emibayo.

Emiesi mititi nichiakhabura, Kulukulu nende akhasiani khabu rwali niruli orukhoongo, rwamani nende obulamu obulayi. Rwali orukhoongo muno khulwe esie okhurulinda khulwanje.

Bulano ndareeba papa oyo okhukalusiayo akhasiani khabu Kulukulu. Olwa Kulukulu khatong'a khonyone, khaulila obubi muno. Khafwana nga khandebanga, "Mbushina nokhola orio?"

Khalekha okhubaya. Khandi efise findi khakhayanga okhurula nasi okhutsia okhuchenda. Efise findi khalitsanga atiti muno. Ndeparira muno. Ndereeba, "Shiina shienyala okhukholakho okhukhonya kulukulu?"

Inyanga ndala papa oyo yetsa okhucheniya. Olwa ndaulira omwoyo kwe, ndarula alwanyi weinzu bwangu bwangu.   Kata neshili okhumulola, ndaulila tsimbwa nitsisema.

Ndalola inyuma weinzu yokhutekha, Kulukulu nende omusiani wabu nitsishina nobusangali nga khale!

Ndali nobusangali muno, kata nekhaywa mbu niwina owa neshesie mbeli. Omusiani wabu Kulukulu nomba papa oyo. Ndamanya mbu bulano Kulukulu yilakalukha nga yali khale olwa omusiani wabu akalushe. Khulatsia okhuyima mundalo khandi.