Bibi anakuja kutembea. Na kila mara humletea Tabo njugu karanga na matunda ya mwituni, au mahindi na tikiti maji wakati mwingine.

Tabo naye anataka kumpa Bibi kitu cha pekee.

Kitabu kingekuwa zawadi nzuri, lakini je, Bibi anaweza kusoma? Kama angeenda kwenye duka kubwa, je, angepata kitu kizuri?

"Tumpatie mfuko," Tabo anasema huku akitabasamu. "Mfuko mkubwa na imara wa rangi ya bluu."

Mama anatoa kitambaa walichonunua dukani. Anakitandaza na kuanza kukata.

Kwanza, pande mbili kuu ambazo ni kubwa na pana.

Kisha vipande vingine viwili vidogo ili kuipa umbo.

Tabo anavikunja pamoja na pande hizo mbili kuu. Anatazama huku Mama akichukua muundo huo tena.

Anakata sehemu ya chini katika vipande viwili virefu. Hivi ndivyo vitakavyofanya mfuko huo uwe imara sana.

Tabo anavikunja vipande hivyo huku Mama akichukua tena muundo.

Anakata vipande vinne vya kamba ambavyo ni vipana na virefu.

Viwili vitashonwa pamoja ili kutengeneza kamba moja. Hii itaipa mfuko huo nguvu maradufu.

Kisha Mama anatoa cherehani yake. Anaunganisha vipande vyote ili kutengeneza mfuko wa Bibi.

Anampa Tabo, ambaye anatabasamu na kusema, "Asante Mama, kwa kumtengenezea Bibi huu mfuko wa bluu!"