Pande pir ashe man lu hen ya na tswen.

A soo u eren kwase u un a lu vea na una wasen un yô.

A ungwa kwagh u wankwase u dedoo u i yilan un er Nyingô la. Lu vea mbamaren nav ica a na ga.

I na un ityesen i dedoo. Pande hen ken ishima na er, "Nyingô man a va lu orwasen mo, ka kwase wam je la."

Ayom vande van u va pinen Nyingô shiôr.

A lu or u wan iyol kpishi. A fa ken ishima na tsô er un doo or.

Iyange igen di yô, Pande kpa za va u pinen ian er Nyingo man a lu kwase na.

Ngo u Nyingô pine un er, " iyange igen la lu Ayom va ye, nyian di ka Pande. Ka an u tsougho?"

"Or u Nan a vôsom la nan a tese iyol i nan," ka ape Nyingô na mrumun la.

Ayange nga karen yô, Ayom vea Pande cii ve za va shiôr hen iyange imiôm.

Ve cii ve va a uiyua sha ci u Nyingô man shi tsombol na

Tsombol na kpa ngohol ve dedoo.

Pande yô lu sar sar a Ayom, kpa Ayom yô lu nahan ga.

Ngô u Nyingô va ver ve abun ahi u kaan er ve ya. A hide a yem sha u za eren ruam sha ci u asôôr a wan na.

Ngô na hide u va tôôn agbande a i haa abun ahi shin mi la.

A kav apusu a abun la hen ikyum i Pande tseegh.

A pine Ayom er, "u ngu yan abun ahi ne kua apusu naa?

Man ijen gba hen ijiir you laa?

Ngô na nande a ishima i vihin er, "wan wam a de za kpen ijen hen ya wou ga."

Nyingô due va kaa a Ayom er a bee hen ya na sha.

"Yem! Me fatyô u vôson or u yan abun ahi kua apusu na ga," Nyingô ôr Ayom nahan.