A lɛk fɔ ple wit mi padi we nem Jems.

Wi na gud padi dɛn.

We dɛn sɛn wi go sɔmsay, wi de go togɛda.

Wan tɛm mi grani sɛn mi na makit fɔ go bay sɔl ɛn ɔyl.

A bin go wit Jems.

We wi bin de go, wi bin si wi padi dɛn de ple futbɔl.

A bin tɔk se, "Eh, futbɔl!"

A bin want fɔ ple bak.

A bin tɛl Jems se, "Lɛ wi aks if wi kin jɔyn dɛn. A rili lɛk fɔ ple futbɔl."

Jems bin tɔk se, "Lɛ wi go na makit fɔs, dɔn wi kin kam ple."

Bɔt a tɛl am se, "Lɛ wi ple fɔs. Grani nɔ go gri fɔ lɛ wi kam bak ɛn ple."

Wi dɔn jɔyn wi padi dɛn fɔ ple. Mi bin di gol kipa.

Di gol post dɛn bin tu big ston dɛn.

A bin de wok tranga wan fɔ kɛch di bɔl.

Mi padi dɛn nɔ bin ebul mek ɛni gol dɛn.

Wi bin ple te di fil na sansan nɔmɔ.

Dɔn, wi go na makit.

Grani in mɔni dɔn lɔs! A bigin kray.

Jems ala se, "Lɛf fɔ kray. Na yu bin want fɔ ple fɔs."

Wi bin go bak na os, bɔt wi nɔ gɛt di sɔl ɛn ɔyl.

Wi bin dɔti ɛn wi bin de wɔri.

We wi rich na os, grani bin de vɛks.

Di fɔs tin i bin aks na, "Usay una bin de?"

Wi bin gɛt fɔ tɛl am di trut.

I wɔn wi se, "Una nɔ fɔ ɛva go ple pas yu aks pamishɔn."

Wi bin go gi it to di dɔk dɛn.

Dɔn, wi go was.