Kanyelele wa chitwe ali mulimi mukalamba.

Aikele mu mushili umo akulile ing'anda yakwe no butala bwakwe.

Nkunda ali mwina mupalamano wakwa Kanyelele.

Aikele mu chimuti.

Nkunda no mukashi bakwete abana babili.

Nkunda ali munang'ani.

Nkunda no lupwa lwakwe, baletamba ifyo Kanyelele alebomba kasuba konse.

Nkunda no lupwa lwake baletuusha kasuba konse.

Nkunda nolupwa lwake bena bali niba kalomba lomba.

Kabili, bali niba keemba.

Baleimba ilyo balelomba.

"Twapapata tupeniko ifyakulya!Twapapata tupeniko ifyakulya! Tupeniko ifyakulya!" efyo utoni twapapete.

"Tatwamipeleko efyakulya iyo," efyo aya swike kanyelele wa chitwe.

"Muli banang'ani, kalimeni!" efya sosele Kanyelele.

Nkunda no lupwa lwake batampa ukwimba, " Kanyelele ni mfumu.

"Kanyelele nimfumu! Kanyelele ni Mfumu!

Kanyelele wa chitwe atemwa ulwimbo abapako ifyakulya.

Lilya utoni twalya, twapupukila mu chimuti.

Ilyo bakumene inshita imbi, Nkunda alatuka Kanyelele.

Nkunda ala imba, "Bushe imfumu shaba ne fitwe fikulu? Bushe imfumu shaba ne fitwe fikulu?

Ubushiku bwakonkelepo, Nkunda no lupwa lwakwe baumfwa insala nakabili.

Baikila ku chimuti balaimba ati, " Nkunda Nimfumu! Nkunda ni Mfumu. Nkunda ni mfumu!"

Kanyelele wa chitwe alikene ukubapela ifyakulya nafimbi.
"Tamutasha!" atile.

"Tweleleniko ! Tweleleniko! Tweleleniko!" Efyo Nkunda apapete.

Efyo Kanyele wa chitwe abelele. Abapela ne fyakulya.

Ukushinta na lelo, inkunda shilemba shitila " Kanyelele ni mfumu! Kanyelele ni mfumu! umulandu wa bupe bwakwe.