"Kwiyo! Kwiyo! Kwiyo"

"Kwa! Kwa! Kwa!"

"Kwiyo! Kwiyo! Kwiyo!"

Dhadha naNjiva, zvakasangana padziva remazuva ose riri pedyo nerwizi. Shamwari idzi dzaive dzechipamuvhu.

Raive zuva raipisa kwazvo.



Dhadha akanyura mumvura. Njiva akafunga ichiti, "Zvinofanira kunge zvichinakidza kushambira."



Mushure mekudira musoro waro mumvura, Dhadha akati, "Ungada kushambirawo here? Kwira pamusana pangu ndigokudzidzisa."

Nguva imwe neimwe Dhadha paakaedza kunyura mumvura aina Njiva pamusana pake, Njiva aibhururuka achienda mudenga.

Njiva akafunga neshungu achiti, "Handizombokwanisi kushambira saDhadha."

Dhadha akasara ari oga mumvura.

"Chii chaita Njiva? Wandiodza mwoyo. Ungandisiya sei ndiri ndoga mumvura?" Dhadha akanyunyuta kudaro.



Njiva akapindura achiti, "Ndiri kutya kunyura."



"Ndanga ndichifunga kuti unoda kudzidza kushambira sezvandinoita," akadaro Dhadha.

"Tswiyo! Tswiyo! Tswiyo! Dhadha, rega ini ndikudzidzise kubhururuka pane izvozvo. Kushambira kwakanyanya kuoma!"


Njiva akakwira paruware rukuru. Dhadha akatevera.



Chinguva chidiki chakatevera, Njiva akange ave pamusoro pemuti murefu. Dhadha akatadza kutevera.

Dhadha akanzwa kusuruvara. Akafunga nehasha achiti, "Njiva haana nehanya chose. Ini ndiri dhadha kwete njiva. Ndakajaira kushambira kwete kubhururuka."

Njiva aida kunyaradza shamwari yake.

Vakagara pasi paruware vakanyarara.


Pakupedzisira, Njiva akati, "Shamwari yangu, nhasi ndadzidza kuti handizombokwanisi kushambira sewewe. Uye iwe hauzombokwanisi kubhururuka seni. Ini ndinobhururuka, iwe uchishambira."


Vakambundirana nerudo rukuru.

"Isu tiri madhadha, kana tichishambira, tinonyudza misoro yedu tichiti, 'Kwaa kwaa kwaa gxadada! Kwaa kwa kwa gadada!'"

"Isu tiri shiri, kana tichibhururuka, tinopfapfadzira mapapiro edu tichiti, 'Tsiyo, tsiyo, tsiyo!'"