Document

Hɛ̀ì ka yaasi Handoori nna Fulanigaw faaba

Judith Baker

Wiehan de Jager

Kɔɔgiri saa nɔ̀, nŋa zaari kusum, weenu senni zuguzugu kuna.

Jibiri tuutuuma naa ka handoori cɛɛnɛ wɔ na du hari ka hàm.

Handoori cɛɛnɛ di wullu ka cì: « Aa hari bukaata, ba kɔɔsu ga nɔ̀ à ba hunu ka kam.»

Alma, ba halãda bɔ̀ŋŋɔ dom kɔɔgu kɔ.

Handoori cɛɛnɛ di wullu ka cì : « Dee a na du hari ka hàm, a ba bu.

See an kpei isà, isà ka senni ǹ tɛ. »

Dusuŋkariga ka à gonna laakari cì à sɛ :« Isà di tɔyo ko futu. À ba bisa nii.»

Alma hari zeu dom mutu ka gonɔ handoori cɛɛnɛ di ga nŋa à cì: « Dee a na dua hari ka hàm, a ba bu.»

Nŋa handoori cɛɛnɛ di tunu kpei isà di dɔ ceejiyo.

À gana nna subu kɔɔgɔyo kuna nna tuuri haŋŋa kɔɔgɔyo bɔ̀ŋŋɔ̀.

À dira ka dira hali à ma isà di hari yɔɔjɛ.

Isà nɔ̀! À dom ba hini ka ma hari yɔɔjɛ.

Handoori cɛɛnɛ di nà hari yeenɔ giribi cee fɔ.

À bìnɛ̀ mutu ka yei nŋa à na dia ka hari di gonɔ ko kaaru.

Handoori cɛɛnɛ di ceeji àn subu kɔɔgɔ ka à gonɔ à mɔɔjinɛ gabu.

Alma à na hini nŋa hari bisa nna àra.

Nŋa à wullu ka cì: « Wɔ a faaba. Wɔ suuru, wɔ a faaba! »

Nŋa fulanigaw kpaarɛ fɔ ka àa tuuri haŋŋa cɛɛnɛ kɔtɔyo à mɛɛ kuna cì : « Tamma, n mà kaaru ! »

Fulanigaw kpaarɛ di nà handoori cɛɛnɛ di faaba.

Nŋa handoori cɛɛnɛ di cì à bìnɛ̀ kuna: « A ba gɔrɔ nɛ̃ hali ka fulanigaw fɔɔ an du ka bisa.
A ba à batu hali saa ka à ba yeekitɛ hari hàmyo. »

Hanu fɔ, ka handoori cɛɛnɛ gonɔ ko fulanigaw batu, aluwaasi hiŋka fɔyo kà isà.

Ǹ gu ǹ tɛyi kɔtɔyo.

Ǹ kuna, afɔ cì :« Fulanigaw kpaarɛ bèèrì fɔ cin kà nɛ̃, hari hàmyo. »

Nŋa à hansinɛ cì: « Iri mà à wi ka ŋmaa wiciri. »

Ka handoori cɛɛnɛ ma nŋa di, à cì: « À su hini ka nam aluwaasiyo wɔ mà fulanigaw wi, a binɛ mutu ko cɛɛnɛyo, mɛtɛ a ba tɛ doo?»

Wakati di deedei nɔ̀ fulanigaw zummu zaa tuuri bɔ̀ŋŋɔ̀ àn hari hàm.

Aluwaasi hiŋkayo di gonɔ ko sɔɔlu, ǹ mà fulanigaw di fam tɛyi ka wi.

Nŋa handoori cɛɛnɛ di du lasabu fɔ.

À densi aluwaasiyo di kuna afɔ cèè ga,

ka à nama nna à gaabi kulu.

Nŋa aluwaasi di densi ka wullu ka cì : « Wayii ! »

Fulanigaw kpaarɛ di dirigo ka tunu ka bisa ka kpei tuku.

Ka fulanigaw nà handoori cɛɛnɛ faaba, hɛ̀ì ka handoori cɛɛnɛ di tɛ ka fulanigaw fɔɔ naa.

You are free to download, copy, translate or adapt this story and use the illustrations as long as you attribute in the following way:

Hɛ̀ì ka yaasi Handoori nna Fulanigaw faaba

Author - Judith Baker, Kholeka Mabeta
Translation - Bassitou Issa Inoussa
Illustration - Wiehan de Jager
Language - DENDI WANGARA
Level - First sentences