Enuturu okpokpo ohe la enwenu le, iKhosijuwa kele wari la oje ongole ko karo ka.

Inamwu ru ka erwu hoo hwe epwu, o-owale iKhosi ajuwa tilonu wo yekee, "i-ye m ti ka ho lee."

Irya ohe a we epwu nyamu ee, "m karu ka dawa oogo, ma owo ti ka bam je."

Uka ko wee mirya owe wee, iMama Sophie a chi pwuru kam ka oogo ee. O-okpa i pwu mi udo.

IKhosi a bilomu yekee, "m ka ba imama Sophie kele ka oogo o-ye onu kpata le obyi."

IMama Sophie a wulehu le, "omi legbeju egbeju ee."

Uka kiijuwa ka oogo le iNozipho ayidang wee, a wa odada a ho koo, ma, oye angiwule uka ki juwa dawa kaa hoo lume.

U-uwa oogo, iKhosi a bilomu ee, "m dawa iiba ochiche kaka, m ka meje ongmyong nyori m ka jee dawa e-emwu ituka.

O-owale ogbaji jwuka epwu nya enyi ee.

iNozipho kwale oye olanyi la yoo.

INozipho juwe ye jabwo ka anjwo ochiche juwa.

Ochiche juwa chi okekeni epwu nya enyi.

I-ijuwa kpawule ikata la okekeni.

Uka ka iNozipho ye oyi dumwoo le, o ye ingihe odati ee. Oye ka iKhosi juwa dawa ru hi angikila. INozipho kwu ehi kpee mimi.

Ehi hoo kee Nyang ole ko ye oowale, orunye ki ga nya onyang ole ko juwa wu ang ee.


O chi eko ee, kewe mee iKhosi jam bi enyi lee."

Ahyahyi le iMama Sophie agbaji jwu ka epwu nya enyi le o juwa dawa ee.

O-juwa ka epwu nya enyi, o kpehe, o-juwa ka epwu nya enyi, o kpehe, o-ojuwa ka epwu nya enyi, o kpehe, o-owu kele myimyi juwa pilahi nya iKhosi.

Uka ko ya ubwo chi iKhosi ugburubwo le, o-dawa loo wodehe.

IMama Sophie chagaga kpehe hi anjwo ochiche bala anyang ile kii juwa jiida bala o kpu ikata.

INozipho runye boo uka ka iMama Sophie hwu iKhosi chi ekpe, oowale, iikpo ru ka ube nya utoji ee.

U-uwa ubutoji, iMama Sophie to ongo ho utoji ole ka enyi nyamu ri iNoxoto.

Ongo ho utoji iNoxoto bala angi ho utoji ikila hwu iKhosi kpa runye ka ube.

Ongo ho utoji iNoxoto byaa yekee, "o-juwa la ogogo, ori koo juwa epwu nya enyi tata gwu owe ino o ka gbu.

Ongmyong u-uwa ubutoji ji iMama Sophie obe ohoho chaji nya okpirakpira nyamu.

IMama Sophie obe ohoho chaji nya okpirakpira nyamu.

IMama Sophie a ya ee, "o kpum ipyo nyori m chi ohihi da."

Oja nya elewe wu Adirahu elele ko ho ee.

O mimi ya joo jabwo ole ko jee dawa eneene.

Obyoo yekee, "uka ole kam ri onjwo, oligwam kwu oye olanyi nya enyi, chaji nya oowale ahi kaa ma awa da."

Adirahu wuru otugwuru nya epweji, o-owale o byaa yekee, ahi ha iMama Sophie chaji nya okpirakpira nyamu.

Anyang, aleng bala anjwo wuu chokekeni. O bwu enee ki nyaa kilahi le anyanjwo ochiche a kaa dire iMama Sophie juwa mwu eje yekee, "ohoho nya iMama Sophie kpuhi ipyo lume."