Eginyizagi ndoci be danbo na yi Maṱodzi na.

Maṱodzi dan ezhi bazuma ò gani be nna to nnako ù nyi.

Efondoci, nna Maṱodzi tuntun gan lo eba nnagi ezhi bazuma ndoci ò.

"Yeko na yi daye da na ga wo à da ò," nna ù pa Maṱodzi tukpa be.

Maṱodzi ci da yeko na daye da lo èmì nnagi ù na ci da wúnya.

Na wun fe lo èmì na, wun fe wó bèrè dakinnyi ci è gan, "E bò mi re."

Maṱodzi zheye za na ga wun à le nyizagi ye yeko bo ò.

Wun à nyizagi ga sami be egangbin, "Ke la wo shi babo ò?"

Nyizagi ga ci zhegan, "Nakan mi à gbàn be mi ma woma à, èmì mi ma lokpa be èmì mi ma."

Egun nyizagi ci à lo Maṱodzi.

Wunci gan nyizagi ga, "Mi ga wo la da èmì mi ebona wun tsòba."

Maṱodzi ci ba nyizagi jinre hari wun à nakin danfin ò. A fe dazan karanyi hari a tun.

Maṱodzi, nna be nnako ù nyi ci layédan nyizagi ga hari wun à woma.

Nyizagi ci dajin saranyi ya be kemina layédsn wun na.

Wunci kin Maṱodzi be kemina be nakansan è ci layédan wun na.

Nyizagi ci gan Maṱodzi be ezami ù, "Mi à ba enya ye jin ya mi na tán harilo nyi à.

Na ù de efo gutá na, mi à wa gan ye kpaye enya gubà na ye à wa na."

Na ù gun efo gutá ga na, Maṱodzi, nna be nnako nyi ci kpaye enya gubà na è wa na.

Yekpa nìníci ga yi gan e wa èmì bologi.

Yekpa ebàci à ga yi gan e wa kuso tsòba èmì ga ebona a ga dazan lokpa cigban nagun wazhi ma.

Yekpa à gubàbà de shishe, kemina nyizagi wuncin gan na.

Maṱodzi be ezami ù le èmì wunci le be nyagbanfa nyi be kuso è tsòba.