Efo na lokpa na zuma ò, nyakungigo bici dzun nuwon ò.

A ebandondo cinle ama a le enyandoro yé à.

A fe gunyekan na a wa cigbe èzò à na, nyakungizhi kpátá ma gun ekanye nana ò, bambe Èshìgigo è.

Èshìgigo ci gan, "Ke mi à lo ekanye nana lo be ndakpa motson è na ò?"

Eba ekanye ò, wun à ye nyakungizhi na a gba gògá na.

Elogi ci gan, "Gògá yi à shiko to gope. Wun ga she, yi à cin nuwon bo be à."

A fe koní be enyànyá è na ndoro è gba gògá ke dozhi na.

Zumago è, nuwon fe gu tinya kinbo ci à shì she gògá.

A fe manin. A la fin nuwon máná be tsaka è dozhin nana le à.

Kagancin, efondoci. Nyakungizhi ci be dzatin ke enyandoci è be gbingbin nuwon wunci è la shishikan.

A fe pa gògá ke ya dozhi.

Wun à tò Kayigi ci è pa gògá. Eshigigo fe bè be egban fugyagi ù nyi.

"Ki wo jin babo ò?" Eshigigo gbingan.

"Pa gògá yi," Kayigi zhegan.

Èshìgigo ci à gan Kayigi gan wun be ù dzodzo be wun nyi.

Edzodzo na a ga edzodzoci pa be egban è na, a ci ga éyé à kpè be a ci è ba enya hari kpótsun.

Kayigi à emigò gan wun à dzodzo ga.

Èshìgigo ci à Kayigi pa, wunci à éyé ù tsu ci fe banya.

Èshìgigo fe fin nuwon be nuwongbin.

Zumago è, Èshìgigo to nuwon ci kpekpe ù. Kayigi ma fe banya lo.

Kayigi à enyaba zo ci kpé éyé ùzhi.

Èshìgigo à cinbo.

Kayigi fe kpogun yi nyakungizhi à be à lò wun.

Nyakungizhi ci fe pa gògá ke ya dozhi, ama la de Èshìgigo won à.

Ndakpa ci gan, "A lugwa wun pa." Wun à ja dan gògá è ka Èshìgigo.

Na Èshìgigo tun na, wunci è duwan, "Ezandoro dan abo bo à ni!" Wunci à ca nuwon nyi fin.

Wun fe wó ke enya à tun gintara wun na. Kagancin, a wun won da nuwon tako!

Nyakungi nakena fe bici be na a wó egiti be nuwondzo Èshìgigo na.

Nyakungizhi ci à Èshìgigo pa.

Ndakpa ci gbin Èshìgigo gan, "Wo à leba lo eba yi kpátá, wo ma ga gbàtàwò."

Nyakungizhi ci kin Ndakpa be gandzo è.

Daga efo ga, a fe fin nuwon tsaka à babo esungán ndoro.