Thakgalo yi nyagbanfa

Thakgalo yi eza na yi be Ésákonkara è.

Ezami be èyà ùzhi yebo ù saranyi.

Thakgalo yebo éní.

Èyà ùzhi ga jin e nyànyà be koní ya ù.

Èyà ùzhi ci à dukun-éní la ban ésákonkara ù.

Wun ga egwa yi eba kapa ésákonkara ù, wun fe ya éní nyi kó.

Thakgalo ci è nyànyà daga ésákonkara éní ù bo.

Wun kpin enyànyá kpin be etiwuntso è, be wunci ca enyànyá be èyà ùzhi.

Efondoci eya ùzhi le ruwokpò sangana enyànyá ye esankagi ò.

A fe gbin nna Thakgalo gan ko a ga da ló sangana nana ya ù.

Nna Thakgalo ci à emigo ya.

Èyà Thakgalo ci ba sanwogi nna ù ga ku yesan na la lo eba sangana enyànyá na.

A fe ku Thakgalo na wun è enyànyá na ba ù gán na, a ci tun yesan wunci lo dana sangana.

A ci à Thakgalo li mini eza sangana nana!

Efo sangana tun à ni.

Thakgalo à gikpe be èwò woro è.

Na a la éní tabo na, wun à na jajanyi be ninma é.

Ezadazhi fe tun èyi ù ye, "Thakgalo!' Thakgalo!"

Be gan gboro nyi, wun yi gandzo eda efoga ò.

Thakgalo ga gi sangana wuncin ò be eryatwa na dokun na.