Efondoci be yigiditi yipa nyi, Khosi fe lo be ezhin nyi, wa enya na wun à lili jinn a.

Nna ù da lati ke ù shishi.

"Ki mi à lili jin be eti mitso nyi ò? Khosi gbin etiwuntso.

Yekpa ndoci fe guntu nyagban ù.

"Mi à da gbinnuwon kun bo, ama zhi à lili lo be mi nyi ò? " Khosi duwon.

Kanga ga Mama Sophie fe gògán na wun è lo kun nyi na. Wun ma kasa she be èwòzhi la.

"Mi ga emitu Mama Sophie lo kun!" Khosi gan etiwuntso.

"Mi è wa emilatu we lo kun ni? Khosi gbingan, Mama Sophie fe yima be eti panlofin nyi.

Na è lo na, Nozipho fe la emitu à ma. Nozipho wa nuwongbin le à ama yebo cicinle ezanazhi ga è gbinnuwon na.

Kun bo Khosi à gan etiwuntso, "Daga nyina, mi à gbinnuwon misun ò be à, ke dzakangi na! Mi ga wú ezazhi ke mi má nuwon na shidu na gbin ma."

Wun fe fudan kun bo, nuwongatswan nyi!

Nozipho ma gi ebakpako è cinle nyi.

Na Nozipho fe cin enyazhi le na, gwako dzakangizhi ma fe dzodzo àzhi kun bo ò.

A fe gbinnuwon be eduku nyi.

A fe kpogun be dozhi be ninma è gun nuwon ò.

Nozipho ci ke payeku à janyi na, enyazhi fe kemina gonyi na à, Khosi è gbinnuwon fuya be dzakan nakenazhi. Nozipho ci ke à ezanda tsoba be éyéku à nyi be.

Wun à dzala be enya na wun leye na, wun fe bici lo eba nnanyizagi nashi è fode kpatamisun kun bo na.

"Wuce re! Khosi è la gbinnuwon da," Nozipho gan be egunkpo nyi.

Kpanyi, Mama Sophie fe ja dan nuwon ò, gbinnuwon lo tako.

Wun fe kyakun, wunci santu, ci ke kyakun be, na wun è wa Khosi za na.

Wun fe won Khosi gwakpa ò wunci gbinnuwon lo eba na shidu à na. kaganci, Mama Sophie fe la Khosi tinya kun ga ò.

Mama Sophie fe sannin gò gwako dzakan be nnanyizagizhi gán nashi fe gogi be egunkpo na.

Nozipho ma fe sheci ta zuma ù be ninsan è lo dana-cigbe ezhi, be gwagba Khosi zuma ù bo.
éyéladanguncici Noxolo

Nin nya Dana-cigbe ò Mama à gunbe éyéladanguncici Noxolo na bici be so à gwa na.

Éyéladanguncici Noxolo fe la Khosi da ta kata ndoci ò be éyéladanguncicizhi ci ba ù jinre.

"Wun jinyebo! Yi yi à desan na wun gun nuwon gán à ni à na!" éyéladanguncici Noxolo gan.

Mama Sophie fe bè esunya nyá nyagbancin.

Ezandoro danacigbe fe dugwawú ù be enya na ù jinn a be to gbagban nyá nuwongbin wo.

"Mi fanyagban be rayi ù na be cewú na." Mama Sophie gan be ekpyada nyi.

Esan fe tun eba nnazhitsu nyi. Wun tun gan a yi Mama Sophie à be nyi.

Mama Sophie gan nnazhitsu kemina wun kpin nuwongbin kpin na.

"Na mi dan dzakangi ò na, eya mi dan wo ga zhe kun tun na. Nuwon ci à zhe maganin yizhele yi. Yi ci kpin nuwongbin!" wun gan.

Nnazhitsu fe yi ekanye be ryatwa woncinko ya Mama Sophie be bawu ù nyi.

Nnanyizagizhi fe kpawulele, ndabagizhi ma fe bèyiko, dzakangizhi fe kpogun ninma. Daga efo ga, dzakangizhi yebo emilatu Mama Sophie, be eníko nyi, "a de enya na tò mi na à, be Mama Sophie, nna gorozo, ga tsoba mi na!"