Lumbazi ga fe dana wangi, ama enyandondo dana ù wun à fe bodin.

A de kpalabazhi à la kasandondo. Felezhi à ganshe yekozhi be etswan swakwa nyi.

Kpalaba lilacizhi è nyi dzakangizhi ba.

Efe ga è ku, felezhi fu da ban cigbanzhi be katantizhi ò.

Nana ga è kan gwako ezazhi bibe Lumbazi nyi ò.

Efondoci, egi eya gutwani Chike ci baza yekpa ù be èyà ùzhi.

"Yi be yi la dana yizhi tadzu gani. Yi finba, tun kpalaba bibancizhi be jin ebayaba ya èmìzhi to kota yizhi."

"Nana ga lugwa yi dan be edzuta nyi ò. Wun ke din ezhitizhi à wa yi be." Chike gan be ù.

Na wun fe gangan na, Obi ci gan, "mi ga kpalaba bibancizhi tun karanyi. Mi ci ga à la dan eba na à nyí yi ba na."

Felix gan, "mi la abwa gbako nya èmì mi be wunci ga fe ebayaba."

A fe lotun gani efondondo.

Daga efo ga, Lumbazi à fe eba dzutaci be ebatswaci ci ke à fe dana ezandoro na.