Ezhi Masoyi ò, a de eginyizagi na wonye na è yi Nomusa na. wun dan be nnako nyi na, na yi enunuci kaba na.

Ekundo ezazhi ezhi nana ma ka ko ma gba à. Enu ga yi yizhele nya a nyi ò.

Nomusa yebo katunba lo, nnako ù ma è pe ù be acin nyi.

Efo ndoro a ga nakin katunba ò, nnako ù wun ù dan etun lati ò kakanyi.

Wun è nyà ebezhi be eluzhi na è be nyagici nyìzhi na.

Nomusa de ezòzhi eti nyinyá ebezhi be eluzhi be yigidi nyi. Wun è ke de eka na wun à sa etunmi katunba jin na à.

Gwako dzakangizhi ezhi nana è de katunba lo à ebo etunlatizhi ò.

Eká ma fe lo, Nomusa be à bo be nyinyá ebezhi be eluzhi.

"Mi yi be yekpa wangi," wun duwon.

Nomusa fe pa tsukun gubà be dozhi. Wun fan èwò-lati wuntso.

Wun fe dzú tsukun ga lofin be wunci la fula etun ù kpe ù eti ù bo.

Wun à fe kutilati!

Nomusa fe da shì kutilati nana dan tacin lati kabazhi ò.

"kutilati nana ga à goba mi nyi ò kakuna mi ga è lotunmi katunba na. Nnako ma kpayetu ke mi gun lati ò na." Nomusa fe yima ya etiwuntso.

Efo ndoro, wun è lo lati lo be namba katunba ù nyi.

Wun à yi gun èwò katunba ò be wunci ga èwòlati ù fan kutilati.

Be ma, wunci à fe lotunmi katunba ù shi wuru cigban ò.

Efo be efozhi Nomusa ci duwon, "Nnako mi ma à dza enya na mi jin na tin à."

Nomusa fe manin be yeka wule nìní nyi.

Ebezhi be eluzhi lo lati kabazhi be è.

Yigidi ndoci, Nnako Nomusa fe lo lati fini wazhi.

Lati ci à jin sanyi. Ebezhi to eluzhi dan ebandoro bo à.

Nnako fe gbin eti ù gan. "Nomusa ma à jin ge."

Nnako ci yi ù. "Nomusa! Nomusa! Baba wo dan ò.

Eganzhe danbo à.

Acin wun fe le kutilati ye tacin lati ò, be èwò Nomusa è!

Na nnako dza enya na Nomusa jin na tin na, wun fe kin yagi ù.

Wun duwon, "éyéwon ga dana ò. Nomusa gonyi wun lo lati ebezhi to eleuzhi nyázhi be à.

Ezandoro ezhi nana yebo yekpa wangi na Nomusa la be na. a fe ca etunlo be kutilati lati azhi ò.

Kutilati fe san ebezhi to eluzhi ya lati àzhi ò.

Be egizhi fe lo katunba gancin babo lati lo nyi.