1. Ubwoyi bala Ebwu ri aligwu otukatuka. I-ijwu oligwu nyaa ichicki uga enu nya mama nyamu.

Ichicki kwu epweji okila. Ubwoyi bala Ebwu ka je ediye enuturu imiye ine kika pwu epweji o-owa.

2. Abwela nya uboyi bala ebwu dati hi awule ugbeyi lumelume. Ang oriri bala une onono ha ebwu lume, o-oti wo ela ka luka lumelume.

Ubwoyi kaa la ahyerwura, o-ohu ha, o-ti jwu odahi hile. I-iwa angi myimyi ye tawule epwa nya ebwu nyoka me obi nya ediye.

Ebwu ya nyori owa nya ka kpu ang oriri enu nya ugbanye le.

Ubwoyi ya owa nya ka kpu enuturu oheye le, i-ida ela wuu jwu upwu chaji kii ka deyiri ka.

4. O-oka kpu ipyo nyoka ye ichicki ahyahyi. Ebwu ya nyori nyi tata ki-iwa nyi ye oligwu nyiwa kaka.

Uka ki pwu epwa nya ubwoyi ahyahyi le ubwoyi aji ebwu obe ohoho nyokpoochi ka epwa ee.

5. I-ito awule luturu gbegbegbe nyoka domu nya ediye nyaa. Uka kii juwa je, i-ijuwa mwu eje bala ochewo ugbeyi.

Uka ki je cheele, i-mwu inyo o-omwu nya ukoji otuka tuka. Ubwoyi ya imi nyi juwa nwu owa le, i-iwa nyi ri ang me.

6. Ahyahyi ahyahyi le ebwu a bwu ang oriri jwu eja imiye ee. Ang oriri oowa kilenyi lume bala ida o-okiloo kila.

Ubwoyi a too wo ee, "ang oriri ole ka kpa wahi angimiye alee ee." Ebwu wu eje chaji oligwu nyamu a kpa ang oriri ole ki myi onu ju ka.

O-owale o pwa ang oriri ee.

7. "Anyi ti ka ri ang ka." Ebwu too wo, o me ka ubwoyi ka ba la oyonu ya koo ka ri ang.

E-epwu nya agbama, ubwoyi a too wo ee, "iye ti du ka kpa ang oriri ole ko ihang kem."

Ebwu juwa ri ang hyahya gbee ka eja pyipyi. Ang oriri nya ebwu wuu wuru.

8. Ubwoyi a byoo ee, "awuje ka oligwam." Ubwoyi a gba ikaa ochehi gboogboo le, o-odomwuu nyo riri ee.

Ebwu domwu nyo ye ang oriri nya ubwoyi lo bilebile ehi nyamu.

Uka ka ubwoyi ri ang kpale, onwula ang le, o bi ebwu ee, "iwa nyi kinya lediye me."

9. Uka ki wee kinya lediye wee, i-iya ela tawule kaka. Epwu nya ebwu juwa gwu aru. Lobyi ubwoyi ri ang wepwu kponkpong.

O-oru ka nune la okeke mi chaji o kpa ang oriri ole ko nwoo. Ebwu ru ka nune lepwu chireree.

Aluturu ubwoyi ya ang nya uturu jwu eja pyinyeng ha ilomu. Ebwu nuwa ja ye ang, oriri nya ubwoyi.

Ubwoyi bwu ang oriri jwu eja ha ebwu. Ebwu a ye ee, Ebwo a byo o " chuchu hinyo hi ham me, m'je nyori m'ye ilom ilom."

Ubwoyi a byoo ee, 'kewe kayi ri ang lawule me.' O-owale, i-ihwuhwu le, i-iri and ee.

11. Uka kii juwa jediye myimyi wee, i-iri aligwu tirekpe myimyi ee.

I-ipwu epwa nya ichicki ahyahyi, ichicki a taa wo ee, aligwam, "ugbeyi bee."

La umwehwu o-onu, ebwu bala ubwoyi a we yekee, "okpunyi ji ugbeyi."

Okekeni lume chaji nya eka ogwugwu.

I-iri ang, i-imwu eje, o-owale, i-ichiewo nyile yilehi ee.