Tọm ìben nainai ofiọọn̄ ebeke òreren̄e.

Tọm ìsi ewe isi inyam ofiọọn̄ ebeke.

Ebi ene me ewe ya mêkilep mfut uti.

Ire kpunu ogwu òlelep ofiọọn̄ ebeke kè Tọm.

Ema mîma ilelep mfut uti me ubọk ebibaan̄.

Ebi ene ekekibe, "Me ama kiji, ebibaan̄ gaalek ekinyam mfut uti."

Ebi ene ekekidido ibe, "Ìre kpasi lek enerieen̄ ire ogwu?"

Ire Tọm ìkawọ lek.

Ikekitaan̄ ewe ibe, "Ìlep ofiọọn̄ ebeke n̄aI! Ìlep ofiọọn̄ ebeke n̄a òreren̄e mè itop!"

Ogwu enenwaan̄ ge obeben njọ ofiọọn̄ ebeke ya ge me emen nainai ya.

Igbagbala chieen̄ ikpọ ofiọọn̄ ebeke cha.

Ogwu enenwaan̄ ya olelep ofiọọn̄ ebeke ya.

Owuwa ene enunu me ere uwu ewe ya.

Ema elelep ofiọọn̄ ebeke kè Tọm mè ikirie.

Sọntiik mgbọ nainai olalaak ukpọk.

Tọm ofufuk ikpoko îkaan̄be.

Mgbọ ya, Tọm onenilep ìsabi, mè esikiri, mè fituru.

Ibeben inu îlepbe cha itap me emen nainai kan̄.

Tọm obeben nainai kan̄ itoon̄ itat me ibot mè ikifo uwu.