"Kukudu! Kukudu! Kukudu!"

"Kwa! Kwa! Kwa!"

"Kwak! Kwak! Kwak!"

Ikyegh-Dam man Atii zua hen ber ikyua á ifi. Ve lu ahuraior a dedoo.

Iyange ta man tseeiyol.

Ikyegh-Dam tsue tume shin mnger. Atii gba henen ken ishima na er, "Doo u gban iyol je."

Ikyegh-Dam mile ityough shin mnger, duen yô á pine ér, "Sare'u pe gban iyolo? Va gba'm sha ijime, me tese'u."

Hamnma shie u Ikyegh-Dam un a nôngon ér un a mile á Atii shin mnger yô, Atii á purugh á yem sha.

Atii kaa ken ishima na ér, "Me faityô u gban iyol er Ikyegh-Dam nahan ga."

Ikyegh-Dam man lu shin mnger tswen.

Ikyegh-Dam pine ér, "Atii, zaiyol wou ka nyi? U nam kunya. A er nan u undu'm shin mnger tswen nahana?"

Atii kaa ér, "M ngu cian u kuan shin mnger."

Ikyegh-Dam kaa ér, "M hen mer u soo u fan iyol gban er mo nahan."

"Kwa! Kwa! Kwa! Ikyegh-Dam, de m tese'u u purugh. Uwe ôôn taver yum."

Atii za gba sha vande u kehen. Ikyegh-Dam dondo un.

Fele nahan Atii za lu sha azenger a job. Ikyegh-Dam faityô u aren ga.

Ikyegh-Dam hingir gbuu. A kaa ken ishima na ér, "Atii lan kwagh. M ngu Ikyegh-Dam, m ngu Atii ga. M var a use u ôôn tsegher, m purúgh ga."

Atii soo u kumbur hur-or na.

Ve tema sha vande viing.

Tsô Atii kaa ér, "Hur-or wan, nyian m mase kaven mer, me faityô u ôôn uwe er we nahan ga. Shi we kpaa u faityô u purúgh er mo nahan ga. Mo me púrugh, we ôôn uwe."

We kuve ayol saansaan.

"Se mba IkyéghDàm, ka se a gbaan iyol yô, se mile ityough shin mnger, sé kaan ser, 'Kwaa kwaa kwaa ikpiom. Kwaa kwaa kwaa ikpiom!"

"Se mba inyón, ka sé a púrugh yô se gbyiden akper er, 'Kyiyô, kyiyô, kiyô!"