Wanye kwase ugen lu. Iti na ér Matodzi.

Matodzi vese hen wangar ugen vea ngô na man ngô u ngô na.

Iyange I gen yô ngô u Matodzi tindi un hen anngô u ngô na ken wangar u gen.

Ngô na kaa ér, "Dondo gbenda u se vanden zan keke la."

Matodzi kpa dondo gbenda la za na anngô u ngô na loho.

Ngur hidyen ken ya yô, á ungwa imio i vôron kpishi, ér, "Mzamber, wase'm."

Matodzi jinge nenge á kwase ugen yav sha gbenda.

Á sugh kwase shon tsô á pine in ér, "Er nan u yav heen nahan á?"

Kwase la kaa ér, "M vôr kpishi shi m ngu dedoo ga man ya wam gba ica."

Mhôônom kôr Matodzi á kwase la.

A kaa á kwase la ér, "Me yem á we hen ya wam sha ciu hemba ngun ikyua."

Matodzi nôngu á kwase la mough sha. Ve zende kule kule gbem ve za nyôr.

Matodzi man ngô na vea ngô u ngô na ve nôngu á kwase la zanzan zua á mkpeiyol.

Kwase la sugh ve kpishi sha u veren ishima sha á na.

A wuese Matodzi sha ishima i taver man ikyoiwan.

Kwase la kaa á Matodzi man tsombor na ér, "Me faityô u hungur á kwagh u ne ér á mo ne ga.

Ayange atar á karen yô, pine nen akaa ahar hen amo."

Ayange atar nga karen yô, Matodzi man ngô na vea ngô u ngô na sôn akaa ahar.

Kwagh u hiihii yô, ve tôm u zuan á iyough I dedoo.

Isharen ve I sha uhar yô, ve tôm ikyô ikyua ikyua sha er vea kera yem ica u za keren ikyon ga yô.

Asaren ave ne cii hingir mimi vough er kwase la kaa nahan.

Matodzi man tsombor na cii lu saansaan hen ya u dedoo ikyua ikyua á ikyô I ikyon.