Kpatema vea Iwya is ahuraior á dedoo.

Ve za va-nya hen hur-or be Ikyegh sha iyange-mar nà.

Ikyegh lu hen wangar ugen. Kpatema man Iwya tôô ayange áhar u nyôron hen wangar la.

Kpatema vea Iwya lu anza kposo.

Iwya so kwaghyan man mnyan. Ashie ágen yò, ahii iyongo kpaa.

Kpatema erén a ior dedoo. Ior na un jighjigh.

We va zua hen ya u Iwya u wan iyol I zende.

Iwya kaa er, "Iyange I hii hii la me va á kwaghyan."

Kpatema kaa er, "Iyange i sha uhar á lu di mo!"

Ve nger hanmakwagh nya sha er vea hungur ga yô.

"Se nenge á Ikyegh kwagh á doo se. Se kera nenge á hur-or wase ga ica gba," Iwya ôr á Kpatema zum u á lu véren un gbenda yô.

Kpatema kaa á Iwya ér, "Msugh'u u van á mo ken ya wam."

Kpernan pepe pepe ve zua tsô ve mough zende.

Ve lu wan atsam vinen amar sha gbenda.

Mba we dôô yô ve mem hen mule u zege-kon. Kpatema kaa ér, "Ijen kôrom! Se ya kwaghyan."

Iwya fele fele je haa kwaghyan hen agbánde áhar. Kwaghyan la lu m mngerem mngerem man mkurem mkurem.

Kpatema pine ér, "Ka an-kwaghyan u ú ve á min sha ciu se uhar ne?"

Kpatema vihi 'shima sha ciu hur-or na va á kwaghyan sha inja ga. A ya kwaghyan u Iwya la ga.

Iwya pine ér, "Ka nyi u keghen ne?" A hen ér Kpatema un á de áhon un á ya kwaghyan.

Kpatema pine á ishimavihin ér, "Er nan vè u vé á kwaghyan u doon we tse'er e?"

Iwya lu yan fele fele je tsô gbánde lyemen.

Kwaghyan u Iwya cii haa inya.

Kpatema kaa ér, "Hur-or wam, de we ikyo ga."

Kpatema dugh àkweese u human doon gba yan.

Iwya gba kenger sha kunya á isharen.

Kpatema ye been yô, á wa ikyav a kaa á Iwya ér, "Se za á zende hemen gaa?"

Ken zende la cii or môm kela lam á orgen ga. Ijen kôr Iwya zanzan iyav gba hùran un.

Tugh mbula, Kpatema shi haa kwaghyan sha ci na. A yav ken mkpeiyol.

Iwya yav á ijen u ya.

Sev mbu áven yô, Kpatema haa kwaghyan sha ci na.
Iwya kenger kwaghyan u Kpatema gbem.

Kpatema na un kwaghyan kpuee.

Iwya zamber á Kpatema ér, "Dem á kwaghbo wam. M er hwa."

Kpatema kaa ér, "Va se ya kwaghyan imiôngo."

Ve tema imiôngo be gba yan kwaghyan.

Ve kôr gbenda yemen. Ve lu saan saan.

Ve nyôr hen ya u Ikyegh ngôôr ga.

Ikyegh pine ér, "Ahuraior am, zende kaa nena?"

Ve cii ve lu á ahan zwa. Ve kaa ér, "Doo je ga de."

Sha mimi yô iniongo I iyange-mar la lu zege iniongo.

Ve ya kwaghyan, ve wa atsam shi ve vine amar!