Takgalo ìsibi ubelejit.

Takgalo ìkisa ikasi-ekpirikpo ikweek irek.

Ebi ototun̄ ukan̄ kan̄ mè ebi unene kan̄ mîma ọmọ enenen.

Takgalo îkima ikọkọt okwa.

Ebi unene mîma ikekijop mè ikekifit okwa inyi ọmọ.

Ebi unene kan̄ etatap òbene-ida me lek ikasi-ekpirikpo kè Takgalo.

Mgbọ ọmọ isichak ubọk me lek amana ge me ubọk ikasi-ekirikpo ya agan̄ ge, îra ikifit okwa.

Takgalo mônyana lek kan̄ mè ijop okwa ekifit me lek ikasi-ekpirikpo ya.

Ọmọ îkween̄ ubọk ekijop okwa me lek kan̄ mè ibene ikijop melek ebi unene kan̄.

Usen ge ebi unene kan̄ emumun̄ ulook me ikpa etip ofolek ifan̄a ojijop.

Ema edodo nga kè Takgalo ibe mè ìre ema etap erieen̄ kè Takgalo me lek yê.

Nga kè Takgalo ochechieek.

Ebi unene kè Takgalo efọfọọk okpọk-etip nga kè Takgalo isa imọnọ ifit-ogugo eyi ebesa isi iwut ifan̄a ojijop ya.

Ema emọnọ ifit-ogugo ike Takgalo okijop okwa mgbọ ekifit okwa ọmọ omabe ichit. Imọmọnọ isan̄a, ema eraria ifit-ogugo a ijet ebi ìtititiin̄ ifan̄a ya. Egogobo Takgalo ibe inu ifan̄a ya!

Usen ifan̄a ya onenikem.

Takgalo otatap atalek ofọnti ifit òjajaan̄.

Mgbọ ekifit okwa ya, ikekijop ijaan̄ mè ikinwọọn̄ unwọọn̄.

Ebi ene me emen ere ntitiin̄ ya ekekitaan̄ ukpo ikitiki ọmọ ibe, "Takgalo! Takgalo!"

Me atikọ, ogọt ojop okwa ichit me usen ya.

Takgalo oben me ifan̄a ya mè ibọkọ si owuwa mkpukpe.