Bere tenten a atwam no, wuram mmoa no nsu sae.

Wɔhwɛɛ baabiara nanso wɔanhu biara.

Wɔboaboaa wɔn ho ano sɛ wɔbɛhwehwɛ wɔn haw no ano aduru. Mmoa nyinaa kɔɔ nhyiamu no ase, agye sakraman nkoa.

Sakraman kaa sɛ, "Mɛyɛ dɛn ne akyekyedeɛ a ne ho bɔn akɔ nhyiamu?"

Wɔ nhyiamu no ase no, mmoa no penee so sɛ wobetu abura bi.

Ɔtwee kaa sɛ, "Yɛn abura no mu bɛyɛ dɔnkudonku na atrɛw.Sɛ ɛyɛ ma a, nsu nsa bio."

Wɔtoo nnwom na wɔsaw bere a wɔn tu abura no pɛnso pɛnso.

Awiee koraa no, nsuo pue firi fam na ɛhyɛɛ abura no mu ma.

Wɔn anigye paa. Na wɔnkaa nsuo a ɛyɛ dɛ na ɛho tew saa da.

Afei, da koro bi, mmoa no hunu sɛ obi dware wɔ nsuo no mu na ɔyɛ no fi.

Wɔn wɛn abura no pɛnso pɛnso.

Naa Adanko na ɔwɛn abura no. Sakraman de ne ahoma a ɔde huri no bae.

"Dɛn na woyɛ wɔ ha?" Sakraman bisae.

"Yɛn nsuo eho wɛn," Adanko buae sɛ.

Sakraman ka kyerɛɛ Adanko sɛ ɔne no nni agorɔ.

Agorɔdi no fa agorɔdifo bi a wɔde ahoma kyekyere no ho, na wɔ kata wɔn ani na wɔkan ko si apem.

Adanko penee so sɛ obedi agorɔ.

Sakraman kyekyeree Adanko, naa ɔkata n'ani na ofii ase kan no.

Sakraman nom nsuo fii abura no mu na odwaree.

Ɛno akyi no, Sakraman saa nsuo bi na ofii hɔ kɔe.

Naa Adanko da so ɛkan.

Adanko wiee kan na obuee n'ani. Naa Sakraman nni baabiara.

Adanko teɛɛm sɛ mmoa nkae no mmra na wonyi no.

Mmoa no kɔɔ so wɛn abura no pɛnso pɛnso, nanso wɔn nyinaa antumi ankyere Sakraman.

Akyekyedeɛ kaa sɛ, "Moma me wɛn." Ɔde ne ho kɔhyɛɛ abura no mu na ɔtwɛn Sakraman.

Bere a Sakraman duru hɔ no, osusu sɛ, "Obiara nni ha!" Ofii ase sɛ ɔnom.

Ɔtee nka sɛ biribi aka ne tɛkrɛma. Afei, wɔtwee no kɔ nsuo no ase!

Mmoa aka no bae bere a wɔtee sɛ Sakraman esu na ɔpetepete no.

Mmoa no kyekyeree Sakraman.

Akyekyedeɛ ka kyerɛɛ Sakraman sɛ, "Woyɛɛ yɛn nyinaa bɔne. Wɔbɛtwe w'aso."

Mmoa no kamfoo Akyekyedeɛ sɛ wɔn katakyie.

Efi saa da no, na wɔn ani gye ho sɛ wɔbɛnom nsuo a ɛho tew a wɔrenhaw wɔn ho.