Thakgalo kyerɛ sɛ anigye.

Thakgalo yɛ obi a ɔde mmubuafo akonwa di dwuma.

N'abusuafo ne ne nnamfo dɔ no yiye.

Thakgalo ani gye nnwom ho.

Ne nnamfo ani gye asaw ne nnwom a wɔbɔ ma no ho.

Ne nnamfonom de nnwom ho ɔkasafo bi sii Thakgalo mmubuafo akonwa so.

Sɛ ɔde ne nsa ka bɔton bi wɔ mmubuafo akonwa no fa baako a, na nnwom bɛbɔ.

Naa Thakgalo bɛ tene ne mu na wasa ama mmubuafo akondwa a ɛbɔ nnwom no so.

Ɔde n'ankasa asa yɛɛ ne su, na afei ofii ase ne ne nnamfonom saa yɛ.

Da koro bi ne nnamfonom huu asa akansie bi a yɛbɔɔ ho dawuru wɔ atesɛm krataa mu.

Wobisaa Thakgalo maame sɛ wobetumi di no aka akansie no bi anaa.

Thakgalo maame penee so.

Thakgalo nnamfonom srɛ ne maame ahomatrofoɔ de yɛɛ ɔhwɛtie maa asa akansie no.

Wɔde video yɛɛ Thakgalo asa wɔ nnwom a n'ani gye ho no ho, afei wɔde ɔhwɛtie ne mu nsɛm no kɔmaa akansie no.

Akansie da no bae.

Na Thakgalo hyɛ atadeɛ foforo a ɛyɛ fɛ.

Bere a nnwom no bɔɔ no, ɔkeka ne ho wɔ fɛɛfɛw ne anigyeɛ mu.

Amanfoɔ a wɔwɔ ahwɛfoɔ no mu teɛɛm sɛ, "Thakgalo! Thakgalo!"

Ampa, na ɔyɛ asa nsoromma saa da mu.

Thakgalo dii nkunim wɔ akansie no mu ne abasobodeɛ pii.