Amanyaî nyia ôrrîahat arrîhaî imiji Sêgêllê, Ejûrî iko Ecalôk.

Ottu duo bu nanyio iko nanyia, obeŋi isi îtapuahi arrîaha.

Tô nôbô nôlôŋ, abalaî nyia Ecalôk anîa iko Ejûrî itua mur. Attatî nedohuo iriok kûak.

Amîjanî nyia isi jio alô ahîdê îsayô.

"Ijiara eduhu ôbô naaji kûak hobeŋ ahîdê asayô," ajio Ejûrî.

Iruk Ecalôk jio, "Aafê, ijiara eduhu aaji henyi."

"Obeŋ, ijiara ehutok aaji îfaû," Itîpal Ejûrî Ecalôk.

Abeŋ nyia Ecalôk iruk êram ônô Ejûrî.

Attatî Ecalôk iduho aaji henyi honyi buo Ejûrî ohucio aaji honyi îfaû.

Iyaŋuno nyia nêram anîa alîwa jio Ecalôk anîa iko Ejûrî. Adulori nyia isi aduho asik hosi hûnîa bêbê. Abeŋi nyia isi îfûanyaî ahûattêk.

Attatî addîŋîla îhûtara addi aajî Icalôk, êttê iko ꞌdaŋ îtattur inyi.

Iddarra Ecalôk itua haji Ijûrî. "Aii, illaŋ, ijiara nanî attu îdîma ahîdê îhaji hôî," ilolia Ecalôk.

Osûja nyia Ejûrû êêma. Iruk nyia inyi êttê Ecalôk ijiŋara.

"Anyio ônnô ôrrôhô ꞌtô îhaŋ hôî?" Ifî Ejûrî.

"Ahûtarû addîŋîla aaji hoŋ," îtarraŋak Ecalôk. Ikikiro nyia inyi bêbê ka acôrô.

Attatî Ejûrî isuhotiere Ecalôk isuhotiere inyi diyya. Osuhotio nyia inyi bêbê many ômûhûniere êêma.

Ninyia aŋîda êêtûk honyi nyia, êttê îrasa êmôlî. Inyi ênnê iriohorî êêtûk ônô Ejûrî.