Asa la mua dei-dei, anya wye-wyei n ba filo n zhabu yi ba to bo n nuwa yi.

Ba zna nuwa to ba bwan.

Ba ye tukwo gnua aje ba znai amsa ga obo nkwo dami ba yi. Anya wye-wyei vnya be zhi ama Omwi yi to bo beh'n.

Omwi wa dabo, "Ya ma be ma zhin beda nknu kpakun ye kwoin a?"

Shei ba be zhin n ba abeda aba, anya wye-wyei ba ye agbe gnuahe ba nyi rijiya.

Mgbada wa dabo, "Yi ba nyi kwo kwa shin dna kwa muapata. Shei kwola nu', ye ta je nuwa asna gi njehun."

Ba kwoanyi bodo n nya yi ba nyi rijiya yi.

She asa si nuwa kwa pyi be kwa nu rijiya yi.

Ba knuya n agmada'i. Ba to taba ba to nuwa wo nkwo dadai wulai.

N nyipyeyi ho, anya wye-wyei ba kawye ba gye ge aza nwa bui nuwa'i kwa chichegye.

Ba ye gnuaje ba gwu rijiya yi.

Fanyikwo bo gni wa gwu rijiya yi. Omwi kwa be n kwo awefna nya.

"Ho zhin kniya ya?" Omwi kwa nyabo.

"Mi gni mi gwu ayi nuwa," Fanyikwo kwa dna wo gbe gbe.

Omwi kwa gna Fanyikwo nge kwo fuanwe kwoi.

Awefna ye kwoin aba pa za gyi n onwu'i, wa kpe wo ewye wa ba

Fanyikwo wa ye.

Omwi kwa pa Fanyikwo gi. Fanyikwo kwa kpe nkwo awye kwa ya bah.

Omwi kwa sni nuwa n rijiya kwa gbu nuwa'i.

She' asa snu, Omwi kwa toh nuwa kwa lakala. Fanyikwo be gni kwo bah.

Fanyikwo kwa pwo bah bo kwa gwu nkwo awye ya.

Omwi to bo gni.

Fanyikwo kwa chiawi nge nkowo azaje ba be ba lu wo ya.

Anya wye-wyei ba gwu ba rijiya kwo wani nyipyeyi, ama ba to bo nwa omwi yi.

Kpaku kwa cige, "Mi ba kawe." Wa lodna rijiya wa pmi Omwi.

Omwi kwa be, kwa dabo fi nmi, "Aza to gni lo ya'n!" Wa ya sni.

Wa wo onya gyi kwo nyikna nkwo nyitala. Njehun, kwa gni wo dna!

Anya wye-wyei ba busi be shei ba be wo Omwi kwo chubwi kwo ga nuwa ya.

Anya wye-wyei ba pa Omwi gi.

Kpaku kwa dabo n Omwi, "Ho la lefi zhin yi. Yi ba ga ho horo."

Anya wye-wyei ba la kpaku tu ba yi wo mba maikasara.

Tun sayi, ba ba sni ba nuwa ntna damuwa.