Mandu wo knu dna nwo azakwoi, nwo dna'wun bodo nwo yakwo. Wo bo pese, ona, nabuyi bodo bulutu yi.

Pese bo dna n puwa byi. Ona,nabuyi bodo bulutu a pa ba n yakun pa. Nwo azakwoi ba gni n lafiyayi. Nwo dna'wun bodo nwo yakwo bma wo zhin n tnutnuyi.

Anya ba shando shei eye' diya. Mandu nwo azakwoi ba kwo dei-dei to ba gye awye ban' bodo tnubwa bo.

Nwo dna'wun to wolo da lon' wo ta myi lo wo zhin tnutnu nna 'api.

Nwo yakwo wo wange chi-chi to wo ga anya wye-wye nyagi.

Anya wye-wye ba chiawi ntige mikun gnu ba lo.

A'puwa bo tu chegye ntige nwo dna'wun tobo nwu kwo ya.

A bela Mabdu beh n sohoi sohoi. Wo wa biya kwo wani nyipyeyi wa zna nyagi ga ba.

Mandu ta myi lo wo zhin abo n woyin njehun anya be la wo duwyi. Wo nya wo azakwoi nge ba gna wo onya n wo ba zhin. Wo to bo n'agmadai ntige nwa azakwou to bo wo wo abeda.

Nwo dna'wun nwo to woloda lan wa cige, "Anya n mi ye nu ma myi ma wange n sikwoi ma knuwa'geyi n labmi yi."

Nwo yakwo nwo bwatoi fi wa cige, "Knu anya wye-wyei ha si nyagi ga ho azakwoi. Ba ba nwage to ba dami n hoi."

Mandu be kwu minagi gyi. Wa dabo, "Yakwo, ho kpelo ge mi ta myin ma knu ami anya wye-wyei. Oba nu zhin ami giwe."

Dna sukwoi ho Mandu wa knuwagyeyi. Wa pa obo n za'chechei n abo kpe wo ye nge wo amsa lo ntu wahala dohoi dohoi.

Mandu wa kwu nwo anya wye-wyei wa lo za'chechei aba. Wa ya onwu kpe ona yi, nabuyi bodo bulutu yi wa la pese shi.

Mandu wa si za'chechei puwa, n bebeyi bodo mikun yi.

She wo bo gna za'chechei nwo obo nkwo dami nwoi, za'chechei wa dabo, "Mi ba bma ho zhin ama ho ba zhin onya n ma gna ho."

Mandu wa dna wo gbe-gbe, "Mi ba zhin bohoi-bohoi ma pwo wahala ye."

Za'chechei wa dabo, "La ho anya wye-wyei yashi n ya ha lo ho puwa."

Mandu wa cige, "Ama mi la gnu fi n ami anya wye-wyei osa la mua. Ba zhin mi giwe nu."

Za'chechei wa cige, "Mi la gna ho nge mi ba bma ho zhin ama ho ba zhin onya n ma gna ho."

Mandu ye ge nwo wahala kwa pwo. Wa ya wo anya wye-wyei zhi wa lo wa'api.

Nwo puwa bo gni gbolo. Aza vyinya ba ye anya wye-wyei. Mandu nwo azakwoi ba dabo nge ba to madara lolo n ana kwa ga ba.

Nwo yakwo wa cige, "Yi to nyehoi nyehoi lolo,aza zhi ma ma yi ansna."

Mandu ta myi lo wo gni she nwo aza ba dabo chi'chi. Kuma wo ye wo anya wye-wye lo.

Wa lo da za'chechei wa gna wo onya n wo ba zhin. "Ami wye-wye shando lo n tna ami anya wye-wyei n mi puwa. Ama puwa da ye ba lo dei-dei."

Za'chechei wa dabo, "Mi ba bma ho zhin ama ho ba zhin shei ma gna ho. Lo ho'api ha bi' nho azakwoi ya nna api."

Mandu wa dabo, "Ma zhin kwo wuna? Ba zhin ami azakwoi nu ba ami nu shi ba."

Mandu wa lo api, wa zhin shey a gna wo wu. Nwo gbuba tobo sase shi'n.

Nwo azakwoi ba to bohoi bohoi lo ba lo. Ba zna zba laba laba ba zhin pece to ba zni anya'n. Ba wo wepyei n nyipyeyi bodo ose n sukwoyi.

Nwo dna'wun nwo to woloda lon wa chibwi, "To nya mi ya!"

Nwo yakwo nwo ta ye tnutnu zhin bo lo wa chibwi, "To nya mi nya ce!"

Mandu to bo gbuba shi. Wa jeze lo za'chechei aba n minagi'i.

Wa chibwi wa dabo, "Nye kwoin kwo mua lo ga aza knai. Gami amsa manai."

Za'chechei wa cige, "Gwo, la ho anya wye-wyei ha lo ho puwa la ho azakwoi jeze lo ho puwa."

Mandu wa zhin shey a gna wo wu. Nwo dna'wun wa dabo ge, "Mi ba nwu ayi puwa ya."

Nwo yakwo wa fa bwatoi zhin bo wa bma Mandu tnutnu zhin. Oba vinya ba bwa agmada n'jehun.