N dna azhi ho a yi kwo ge Masoyi, binkwoi ho lo n wo cecei` a yi wo ge Nomusa. Wo bo dna n wo ayakwoi, nwo ayakwoi bo zhin yawi afa nuyi.

Az mua n zhiyi ba ta kpe nya ba lo n ny ka`. Ba zhin ofa nuyi nu.

Nomusa ye makata lolo bo, nwo ayakwo tukwo tu eshe tu wo bo.

Kwo woni nyipyei n bala knu n makata, nwo ayakwo wa gawo tnutnu n ba afa.

Nwo tnutnu nu zhin wa nya nakpa bodo olu`ya to ba gyi afa akaya.

Kwo bela Nomusa tukwo sna ga shei wo ba nya Nakpa ya bodo a`olu'i. Wo ta bwa asa lo wa zhin wo makata tnutnu.

Abyi azaje n zhi yi ta lo makata ntige ba tnutnu lolo ba zhin n ba afa.

Shei asa diya, kwon kwa kwu Nomusa beh shei wo ba nya a olu nya bodo a nakpa'i.

"Mi kpe anya n mi ba zhin," Nomusa wa dabo fi nmi.

Nomusa wa la shunwa gbala yi wa pa ba gnuaje. Wa kpe ba nwo aje tnutnu nya.

Wa la kwo wu eshe wa kpe kwo nwo akata.

Kwo zhin kaka nu!

Nomusa wa la kaka yi kwonu wa lo chei wa yashi n yawi afa atan-tan.

"Kaka ye kwoin ba zhin ami tnutnu ntige ma zhin ami makata tnutnu. Ami ayakwo ba gye ge mi dna afa nu," Nomusa wa masna fi woyin.

Kwo woni nyipyeyi, wa la wo makata kwati wa lo afa cei.

Wa gni afa n wa makata aje wa la nwa tnutnu aje wa kpe kaka yi.

Wa zhin wo makata tnu tnu n shinwa vnu.

A nyipyeyi kwa diya Nomusa wa dabo fi myi, "Ami ayakwo ta taba wa kpe ami abo cecei."

Nomusa wa zhin agmada.

A nakpa'i bodo a'olu yi tobo lo dna n yawi afa.

Dna nyipyei ho, Nomusa ayakwo wa lo afa wa lo wo ka yawi.

Afa yi zozohoi tobo dna. A nakpa yi bodo a pig's tobo wuvyi.

Ayakwo wa dabo fi wo ami, "Nomusa zhin tnutnu manayi lo."

Ayakwo wa yi nwo bege la wu ashe, "Nomusa! Nomusa! Ho gni nna?"

Zozohoi tobo dna wo gbegbe.

Wa gye kaka yi n afa tantan, n Nomusa aje kpe!

Shei nwo ayakwo bo gani n anya n Nomusa a zhin, wo la tukowo tu oshe n tu nwo byi bo.

Wa dabo fi wo mi, "Abo ye kwoin kwo zhin abo ceceyi nu. Nomusa ta lo afa njehun wa nya nakpa ya bodo olu'i."

Aza n zhiyi ye Nomusa cecei ye lo. Aza n zhiyi ba ya kaka zhi n ba afa.

Kaka yi ta ye nakpa bodo olu yi kwa lo dna afa.

Abyi azaje ba myi ba lo makata to ba dna afa wye.