N yipeyi gbagba, Khosi wo shegun to wa kpe anya n wo ba zhin.

Nwo ya be la lo afa wa Khosi ce dna nna api.

"Mba zhin wuna n miyi?" Khosi wa da nwoyin lenu.

Abo nubwo zhin kwa be da wo.

"Mma lo mi gbu nuwa, nyika nu ba knu lo mi ya?" Khosi wa zhin abo nubwo.

Dna sayi Mama Sophie wo diya lo dnabo n chekun tu nna aje fyi.

"Mi ba vyi mama Sophie lo dnabo!" Khosi wa ci wo yin.

"Suku suku mi ba myi ma vyi ho lo dnabo?" Khosi waqnyabo. Mama Sophie wa masna wo myi tukwo.

Yi bwa lo, Nozipho wa sni bayi. Nozipho tobo ye nuwa she bon sai wa shi aza wye n ba zhi ba gbu nuwa yi.

N dnabo wa dabo fyi mi, "Nnaye mi tobo gbu nuwa nna aba nkwo to loloyi lan, nwuge byibyiq! Mba wu zozohoyi nge mi ba myi ma she nuwa nnaba n ba loloi."

Wa sheya dna nuwa. Nuwa a gnamiya!

Nozipho wa shu awye nna aba kpai.

Shei Nozipho be shi awye, abyi fi ba nya agmada fi dnabo.

Ba gbu nuwa ba bewi.

Ba pmi ba sa knia aje n agmada yi dna nuwa.

Nozipho wa kawye biu, wa gye abo n shando. Khosi wo gbu nuwa nna ba muakpa n azajei. Nozipho wa cetalo wo ka ewye.

Adna kwu gi wo abo n wo beh gye, wa busi lo ayinkwo aba n ba be fi ba zna aje n dnabo.

"Ban mi zhin! Khosi nuwa nwa wo lo," Nozipho wa bewi.

N asa gmayi, Mama Sophie wa gyagana fi nuwa. Wa gbu nuwa.

Wa lo dna buwa mi, wa je gmi be, wa lo dna mi njehun, wo zna Khosi.

Wa tabwa shi wo n bwa wa gmi wo becei. Mama Sophie wa gmi wo ya locei n nuwa.

Mama Sophie wa diya pyepyeyi a nyikwo bodo nna byi n ba be zhi ba bewi.

Nozipho wa vyi wo lo nsiyi she nyikwo bo la wo locei n ayansna zhin ba. Wa la Khosi tu boknu.

Nna shigbe zhin aba Noxolo wa busi lo da mama wa bma wo zhin.

shigbe da Noxolo wa la Khosi dna yakun a shigbe da ba laka be ba bma wo zhin.

"Wo la kagna bwa! Ya gwode nge wo to bo je dna wa sni asa yi!" shigbe da Noxolo wa dabo.

Mama Sophie wo ya snu.

Aza n ba be zhi ba ci wo n tu nwo kara bo.

"Mi gwode lo she ma gni aza wei wei," Mama Sophie wa dabo n tukwo gba.

Beda kwa si osu aba. Wa tnu nwa fenu nge ba lo ba yi mama Sophie becei.

Mama Sophie wa gna esu she wo bo kpe nuwa gbu.

"Asa n mi be zhin byi, ami nugudo bo dna n kma dei. Nuwa be zhin aya nyi zhin ampani cei asasohoyi. Kwo zhin abo shi-shi nu ha kpe nuwa she`!" wa dabo.

Esu wa yi aza zhi nge wo ba ga mama Sophie giba n tu ewye pa bo.

Ayinkwo ba chi awulele, azanugbayi ba kniaku, abyi ba bewi n agmadayi. Tun wyi, abyi ba ce bma ba vyi mama Sophie, ba kwanyi, "Nyonyohoyi ta to mi bwa, n mama Sophie kara da gni n knu yi!"