Byinkwoyi beh nyi a yi wo ge Maṱodzi.

Maṱodzi be dna n wo ayi n wo yayi bodo nwo yakwoyi.

N wihoyi, Maṱodzi aya wa tnu wo tnutnu nge wo lo wo gna wo dna'wu n zhido.

"Vyi zokwo n yi zhin ya shi vyi," nwo aya wa pa Maṱodzi.

Maṱodzi wa nwa zokwoyi n ba ba shin nwayi wa lo wo dnawu puwa wa gna wo.

Shey wo bo jezelo api, wa wo bege kwo cige, "Bma mi zhin."

Maṱodzi wa ka wye wa gye nyikwoyi ho wange shi zokwo.

Wa byi nyikwoyi gna, "Kni nu zhin ho ho wange shi ya?"

Nyikwoyi wa dna wo gbegbe, "Nyasa sna mi lo, njehun ami puwa muakpa lo."

Maṱodzi wa gye wo snu-snu.

Wa gna nyikwoyi, "Mi ba la ho locei n mi puwa ntigena kwo wuvyi lo."

Maṱodzi wa bma wo zhin wa la wo kala. Ba lo peceyi ba kwu si.

Maṱodzi bodo n wo aya bodo nwo yakwo ba bma wo zhin har wa kagna bwa.

Nyikwoyi be la agmada bwa wa sa ba myi.

Wa ci Maṱodzi nge wo gbuba dna kala lo bodo yeye.

Nyikwoyi wa gna Maṱodzi bodo nwo apuwa da, "Mi ta taba ma zo yeye amui n fia zhin mi.

Shei a nyipye ngwa ta` la diya, mi ye fia da abo ngwa aba n fye ye."

Shei ayinpye ngwa ta`be la diya ba da obo n ba ye.

Kmisiyi ba be da nge ba ye puwa manayi.

Anya bayi n ba be ye ba bwa kuci n wuvyi n ba puwa yi ntige ba ta zna zna n kpayi ba zna shinwa yi.

Anya n ba be ye ba kwo knu bwa, shei nyikwoyi be da.

Maṱodzi bodo nwo apuwa da ba sase n ba puwa manayi n wuvyi n kuci n agmada yi.