Tom buuru efere obosara e tinyere unere chara acha.

Tom na-aga ahịa ire unere.

Ndị mmadụ nọ n'ime ahịa ahụ na-azụ mkpụrụ osisi.

Ma ọ dịghị onye na-azụ unere Tom n'ere.

Ha na-ahọrọ ịzụta mkpụrụ osisi n'aka ụmụ nwaanyị.

"N'obodo anyị, ọ bụ naanị umu nwaanyị na-ere mkpụrụ osisi", ka ndị mmadụ na-ekwu.

"Kedu ụdị nwoke onye a bụ?" ka ndị mmadụ na-ajụ.

Ma, Tom akwụsịghi ire unere ya.

Ọ na-akpọku, sị, "Zụrụnụ m unere! Zụrụ nu unere m di uto ma chakwa acha!"

Otu nwaanyị welitere ụyọkọ unere n'ebe a kpọsara ha.

Ọ leziri unere ndị ahụ anya nke ọma.

Nwaanyị ahụ zụtara unere ndi ahụ.

Ọtụtụ ndị mmadu bịakwara n'ebe Ọ n'ere ahịa.

Ha zụtakwara unere Tom n'ere ma rie ha.

N'oge na-adịghị anya, efere obosara ahụ tọgbọrọ chakoo, enweghizi unere fọrọ.

Tom gụọ ego o nwetara n'unere Ọ rere.

Tom azụta ncha, shuga, na achịcha.

Ọ tinye ihe ndị ahụ n'ime efere obosara ya.

Tom tinyere efere obosara ahụ n'isi ya ma laa ụlọ.