Musuyi bodo Omwi ba zhin nugudo manayi.

Ba dna gbe do ba lo ba gye ba nugwudo Pese-byi n'wo mama nyipye.

Pese-byi be dna n zhi do. Kwo ba bwa ayipye ngwaba kafi ba si bo.

Musuyi bodo Omwi ba zhin abo gbo-gbo.

Omwi ye kwa gyi nyagi kwa nwage wo zhin abo knaknayi.

Musuyi be n'yeye, n' bya byanyi kuma ho ba kpe ma wo.

Ba be ye zhi n' Omwi puwa ba pa she'i ba ba lo wu.

"Mi ba be n nyagyi n nyipyeyi kmisiyi," Omwi kwa ga.

"Mi ba be n nyipyeyi bayi," Musuyi kwa dabo.

Ba kwu nyanyohoi ka kpe to' ba zamu.

"Kwo ba zhin obo gmada nya nu ya gye Pese-byi. Asa la mua shei yi be gye ayi nugudo," Omwi wa chilenu shei wo bo da musuyi apye.

"Magwode shei ha da mapye," Musuyi wa gna Omwi.

Ba sni nnajeyi n labmyi kafi ba ya azna.

Ba kwanyi ba nyanya n'agmadai n zokwo.

Ba dna asa, ba tashin zhi shinwa gna. "Mikun gnu mi loyi! Kwu nyagi gyi," Musuyi kwa dabo.

Omwi wa palapala wa fi nyagi n'abwo ngwa aba. Nyagi bo omi fi bodo nuwa'i.

Musuyi wa nyabo, "Nyagi nu nyi n ha be eyi gwa ba cei?"

Musuyi be gyi minagi ntige nwo nugudo to`be' nyagi n ba be ya egbe shi. Wo to ye Omwi nyagi gi bo.

"Ho gni ho pmi kniya?" Omwi wa nyabi. Wo bo gbuba dna nge Musyi ba fa abeda bo wa gyi nyagi.

N'minagi, Musuyi kwa nyabo, "Kni be zhin ha be nyagyi n kwo bo daho n'bwahun'?"

Omwi be gyi nyagi pye pye obwe kwa kaya.

Omwi nyagi kwa zaya zhi kni.

"To`damu ami nugudo," Musyi kwa dabo.

Musyi kwa be nkwo nyagyi manai. Kwa ya gyi.

Omwi kwa shi Musyi nyagyi n snu-snuge.

Shei Musyi be pwo nyagi gyi bo, kea kwu nkwo akaya kwa gna Omwi, "To ya gwo du n'znayi?"

Ba to bo taza njehun n ajeyi. Nubwo kwa sna Omwi n tu mikun bo.

N' wesheyi Musuyi kwa sni nyagi ga kwoyin. Kwa wnage n'agmada'i nge wo be la nyagi la becei.

Omwi kwa nwage n miknuyi.

N'labmiyi, Musuyi kwa sni nyagi ga kwoyin. Omwi shi kwo shi Musuyi nyagi ewye.

Musuyi kwa ga Omwi nyagi.

Omwi kwa cige, "Zhin mi gafara. Mi be ye miyi du."

Musuyi kwa dna gbegbe, "Yi gyi nyagi kuhun."

Ba sase zhi ba gyi nyagi.

Shei ba be gwodu n znai, ba be zhin anugudo n'jehun!

Ba be kwu Pese-byi api si sapa.

"Azna bo wo na ami nugwudo'a?" Pese-byi kwa nyabo.

Musuyi bodo Omwi ba shiaje ewye ba masan, "Azna be dagma."

Kwo bo zhin nyipyei agmada nya nu.

Ba gyi nyagi, ba kwanyi kuma ba nyanya!