Me mgbọ ge, îkaan̄ gwun̄ ibaan̄ ge ekigwen Matoji.

Matoji ìluk me gwun̄ ama ge mèlek nga kan̄ mè nga nga kan̄.

Usen ge, nga kè Matoji obebe mè ọmọ isa etip isi ilook ngwan̄ nga kan̄ me ofifi gwun̄ ama.

"Je me oniin̄ eji ekimalek ije ya," nga kan̄ otumu inyi Matoji.

Matoji ojeje me oniin̄ ema ewuukbe lek ikije isi uwu ngwan̄ nga kan̄ mè ilook etip ya.

Ike îkije ika, inọnọ sọn ida ge okibe, "Soso tap ubọk nyi emi."

Matoji orururaan̄ chieen̄ ikana mè imun̄ enenwaan̄ ge olaakbe me oniin̄ ya.

Itọtọp ogwu enenwaan̄ ya amọn mè ido ibe, "Keke orọ olaakbe me ere keyi?"

Ogwu enenwaan̄ ya ofọfọọk ibe, "Ukot îwọ emi, lek n̄a ìkanye, uwu n̄a si îjọn̄ọ ere."

Matoji okakaan̄ njijin me lek ogwu enenwaan̄ ya.

Ibebe ogwu enenwaan̄ ya, "Mâsa owu ifo uwu kiji mije uwu kiji îgbet ere."

Matoji otatap ubọk inyi ogwu enenwaan̄ ya ikọt inan̄a ikeke. Ema ekekije atalek ususuk ususuk mege ema erebe uwu.

Matoji mè nga kan̄ mè nga nga kan̄ ekpọkpọ chieen̄ me lek ogwu enenwaan̄ ya mege lek onyebe.

Ogwu enenwaan̄ ya obebele ejit enenen me ike ema ekpọbe ọmọ chieen̄ me lek.

Itọtọn̄ Matoji mije îkọtbe ikikat ejit mè ikikpọ ene chieen̄ me lek.

Ogwu enenwaan̄ ya obebe Matoji mè ebi uwu kiban̄, "M̀kpakọt iwuuk inu enyi erọbe inyi emi.

Egwe ita isiraka mâweek ibe enyi ekeek ikakaan̄ inu iba."

Egwe ita iraraka, Matoji mè nga kan̄ mè nga nga kan̄ ekekeek ikakaan̄ inu iba.

Adasi inu ema ekeekbe ìre ikakaan̄ uwu òjajaan̄.

Eyi òso iba ìre ikakaan̄ aka oron me agba lek uwu kiban̄ inyi ema ekakije ìjọn̄ọ ere mgbọ ema ekiweek isisi iye.

Nkeek iba kiban̄ cha înirọ iso, kubọk ogwu enenwaan̄ ya otumube.

Matoji mè ebi uwu kiban̄ eluluk me ubelejit me uja uja uwu kiban̄ me agba lek oron.