Woodi ɓiŋgel feere mo innde mum Madozi.
Madozi ɗon yeeɗa haa wuro bee daada maako e maama mum debbo.

Yaande ferre daada maako neli mo ngam wolwango yaapendo maako mo ɗon yeeɗa haa wuro feere. « Tokku laawol ngol min woowi tokkugo foroy », daada maako siftorini mo.

Matozi tokki laawol ngol o maandi boum haa o yottini nulal haa yaapendo maako.
Dow laawol wartugo saare, o on nana sawtu lesndu akki maako bee wi'igo: « Useni malle am. »

Madozi laari gal sera maako nden o laari debbo feere mo on waali dow laawol.
O hofni mo nde o ƴami mo : « Ngam ɗume mbaaluɗa haa ɗo ? »

Debbo nootani mo: « Mi tamppuɗo nden boo mi nyawɗo, mi dayɗo boo bee saare am. »
Madozi yurmani mo.

Madozi wi'i debbo o: « Mi yaaran mon haa saare am, nde daayay. » Madozi walli debbo o ummaago. Bee njaadi bee hakkilo haa bee yotti saare.

Madozi, daada maako e maama maako sukkulani debbo oo haa mo yambiti.

Debbo oo yetti masin ngam bee sukkuli bee maako. Nden o mani Madozi bee cusal e boɗeenga mum.

Debbo wi'i Madozi e saaroji maako: « Mi meetata yejittitgo ko on waɗani am. Nder balɗe tati garanɗum, mi ɗon yela no ni on ngaɗa kuuje ɗiɗi. ɗi ngiɗɗon.»

Ɓaawo balɗe tati saaliɗe, Madozi, daada maako e maama mum yeli ko bee mari haaje. Yelo maɓɓe arandere woni marugo saare woɗnde.

Yelo maɓɓe ɗiɗaɓre woni yeɓugo ladde leɗɗe ngam taa bee daayo ngam defugo leɗɗe. Nden yelo maɓɓe ɗiɗifuu humtaake bana no debbo oo wi'i.

Madozi e saaro maako ɗon yeeɗa nder saare maɓɓe woɗnde heedi ladde leɗɗe nder welwelo.