Tagalo ɗum yiɗi wi'igo jeynitaare. Tagalo woni goɗɗo mo ɗon wancca dow korowal tampuɓe. Saaro maako e soobiraaɓe maako ngiɗi mo masin.

Tagalo hardi haala gime. Soobiraaɓe maako ɗon yardi haala wamugo et fijjugo boolooji ngam muuɗum.

Soobiraaɓe maako jo'ini koo ɓesdata sawtu gime dow korowal Tagalo. Nden to o yaaɓi butoŋ feere sera korowal maako, ɗum ɗon jaya gime.

Tagalo ɗon afta ɓanndu mum o ɗon wama dow gime maajum. O ɗon ekkito wamugo feere maako, ɓaawo ɗon o ɗon wama bee soobiraaɓe mum.

Yannde feere, soobiraaɓe maako nani andinnoji feere ko laarani poondol haa tele.
Bee ƴami daada Tagalo to bee foti bee winda innde haa pellel maako.
Daada boo jaɓi.

Soobiraaɓe Tagalo ƴami telefone daada maako ngam haa bee hooca suuraaji nder telefon maajum ngam haa bee taska yalɗirgo haa poondol ngol.
Bee hooci suuraaji nder telefon wakkati o ɗon wama dow gime maako nde o yardi, nden ɓaawo ɗon bee yarɓi suura man ngam waɗugo poondol ngol.
Bee cuɓi innde Tagalo !

Yannde poondol go yotti. Tagalo ɓorni tusma kesal. Nde gime fuɗi, o fuɗi dimbugo bee mo'ere e seyo.

Ummatoore fuu ɗon wooka innde maako : « Tagalo! Tagalo! » Fakat o ɗon no goɗɗo mo marɗo saman nder wamre yannde maajum. Tagalo hebi jaalorgal poondol e o heɓi toɓɓeji feere feere jur.