Nder duŋgu caka cak naaŋge, Kosi ɗon wanco, o ƴami hoore mum ɗume ngaɗanmi.
Daada maako yehi no gal ngeesa, o acci mo feere maako. « Ɗume ngaɗanmi bee ngeedam am ? » Kosi ƴami hoore maako.

Nden Kosi numi. « Mi yiwoto nder maayo, amma moy ɗofta tam ? » O ƴami hoore mum.
Wakkati maajum, Mama Sofi ɗon no saala gal ton, ngam yahugo maayo. O don roondi limce jur.

« Mi tokkoto mama Sofi haa yottugo maayo ! » Kosi wi'i. « Mi foti mi ɗofta on naa ? » O ƴami mama Sofi. Mama Sofi moosi.
Dow laawo, Nozipo tawi ɓee. Nozipo yarday haala diɓɓa diɓɓa sam, amma o yardi laarugo woɗɓe ɗon diɓɓa nder ndiyam.

Haa sera maayo, Kosi wi'i: « Hannde, mi safti diɓɓugo nder ndiyam jey luggaka bana ɓikkon ! Mi hollan haa yimɓe fuu min boo mi anndi diɓɓugo nder ndiyam lugguɗam.»
Nden o diɓɓi nder maayo. Culup !
Nozipo ɗon tiima koo ɗon saala digam dayɗum.

Haa yeeso Nozipo, ɓikkon fuu ɗon fijja nder maayo.
Bee ɗon fijja bee waɗugo hoolo jur e bee ɗon siika welwelo haa caka maɓɓe nder ndiyam.

Nozipo larti fahin; Nden o maati kuuje feere saŋji. Kosi ɗon diɓɓa nder lugguɗum e o daayi bee ɓikkon feere.
Nozipo maditi et o fuɗi lartugo fahin.
Ɓaawo ko o laari ton, kulol naŋgi mo, o duggi gal rewɓe ɓen lootanɓe limceji maɓɓe sera maayo.
« Wayo Allah am ! wayo Allah am ! » Ndiyam ɗon mooja Kosi ! Kozipo ɗon wooka.

Nder fəmet, mama Sofi diɓɓi nder ndiyam. O nasti nder lugguɗam maayo. O diɓɓi haa nder nder o vurti haa dow, nden o nasti o ɗon tefa Kosi. O naŋgi Kosi haa juuɗe haa les maayo. Nden, mama Sofi roondi Kosi vurtini mo nder ndiyam.

Nden mama Sofi saali bee jawɗum yeeso ɓikkon e rewɓe ɗon no wooka. Nozipo tokki bee doggugo gal suudu dofta wuro, bee roondugo Kosi haa ɓaawo.

Haa suudu lekki man, daadiraawo mo innde Nozolo on jaɓi ɓee, o yaawi ngam wallugo ɓee.
Dofta mo Nozolo yari Kosi bee jawɗum nder suudu feere nden dofta'en feere boo yaawi ngam wallugo mo.
« O jamo, sa'a waɗi o neeɓay nder ndiyam ! » Nozolo hayɗini wi'i.

Mama Sofi yoofi pofɗe tammunde. Haa nder suudu lekki maajum, yimɓe fuu ɗon hellana mo ngam cusal e anndal ngal o mari ngam tiɓɓugo nder ndiyam. « Mi ɗon seyi ngam mi hinsni yoŋki », O wi'i nder yaŋkinaare.

Kubar yottake haa laamɗo wuro mo debbo. O nuli kalifaajo ewno mama Sofi. Mama Sofi fuɗi taalingo laamɗo debbo oo noy noy o warti mo anndi diɓɓugo. « Wakkati mi ɓiŋgel, hoodi soobiraawo feere mo ɗon yeeɗa haa gaɗa maayo. Kala nyalaade fuu min don nder ndiyam. Doole min ekkito diɓɓugo ! » Mo wi'i.

Lamɗo ewni hawrinde mawnde bee maatingo no ni o warjoto mama Sofi bee kuuɗe cusal ngal o huwi.
rewɓe fuɗi wuɗugo salalay, worɓe fuɗi siikugo, ɓikkon ɗon siika welwelo. Daga nden, ɓikkon yardi tokkugo mama Sofi bee gime: « Wala ko meematam, mi ɗon bee mama Sofi, marɗo cusal, haa ɗakki am ! »